Génesis 33:14 - Chayahuita (Shahui)

¹⁴ Noya quëmasoꞌ pataquë topirahuë. Quiyaso nipirinhuëꞌ oshaquëranchin pacapoi. Huaꞌhuaroꞌsapitarëꞌcoi, pëꞌtahuaroꞌsapitarëꞌcoi oshaquëran paꞌsarai. Co huaꞌquiya quëranhuëꞌ, Sëir parti cantoontapatënquën, inaquë niquënaantarihua huachi, itërin.

Génesis 33:14 ပူးပေါင်းရင်းမြစ်များ

Génesis 32:3

Naporoꞌ Cacoposoꞌ, comisionoꞌsa Isao shaꞌhuitacaiso marëꞌ Sëir noꞌpaquë aꞌparin: “Iyaꞌhua huënantárin niꞌton, iso pochin nanan aꞌpatiarinquën: ‘Ca iya masho huënantárahuë. Maꞌsona quëma camaitëranso nisarahuë. Cato shonca piꞌipi api Napano yaꞌhuërinquë yacapatërahuë.

Génesis 33:13

Napotohuachina, Cacoporiso itapon: —Tëhuënchachin iya masho nosoroatonco napotëranco. Nipirinhuëꞌ huiꞌnahuëpita huaꞌhuaroꞌsaráchin. Ohuicaroꞌsaꞌ, ohuacaroꞌsaꞌ, inapitanta nasha huaꞌhuatopiso yaꞌhuërin. Manon quëpahuatësoꞌ, aꞌna tahuëri marëáchin nanitërin, ohuicaꞌhuaroꞌsa taquicaisoꞌ.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Marcos 4:33

Ina pochin Quisosori piyapiꞌsaꞌ aꞌchintarin. Naꞌa pënënto nananoꞌsa quëran ayonquiarin. Natantiinpichin aꞌchintarin.

Romanos 15:1

Canpoasoꞌ yaꞌipi cancanënpoa quëran imarëhuaꞌ. “Quisocristoíchin nichaꞌërinpoaꞌ,” taꞌtëhuaꞌ, co nisha nisha yonquirëhuahuëꞌ. Aꞌnaquënso nipirinhuëꞌ co yaꞌipi cancanëna quëran natëyátërapihuëꞌ. Inapitantaꞌ oshaquëran pënënatëhuaꞌ, catahuahuaꞌ noya imainaꞌ. Ama canpoara nohuantërëhuasoráchin yonquiaꞌhuasohuëꞌ.

1 Corintios 3:2

Niꞌcoꞌ. Huaꞌhuishin shoꞌshoíchin nanpitërin. Co coshachatërarinhuëꞌ. Inapochachin canpitasoꞌ ninamaꞌ. Yaꞌnan aꞌchintaponquëmaꞌ, piꞌpian aꞌchintëranquëmaꞌ. Aquëtëꞌ yaaꞌchintopiranquëmahuëꞌ, co nanichátëraramahuëꞌ noꞌtëquën yonquicamasoꞌ. Iporahuantaꞌ co nanitëramahuëꞌ.

Jueces 5:4

Sëir parti quëran Sinioro pipihuatana, isoroꞌpaꞌ nacontërin. Piꞌiroꞌtënta nipaꞌtanin. Chitoro quëranpita oꞌnan huiꞌshirin. Itomo noꞌpa quëran pipihuatana, naporin.