Génesis 33:10 - Chayahuita (Shahui)

¹⁰ Itopirinhuëꞌ, Cacoposoꞌ taantarin: —Ama iya masho napoquësohuëꞌ. Tëhuënchachin noya ninicatë yaꞌhuantacaso nohuantohuatan, onpopionta maquë taꞌa. Quëmaora chachin noya nontaantarancosoꞌ nicato, Yosë chachin napotërincoso pochin cancantërahuë.

Génesis 33:10 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Génesis 33:11

Yosë nohuanton maꞌhuanahuë, co manta pahuantërincohuëꞌ. Napoaton, quëshiranquënsopita, onpopionta maquëꞌ, itërin. Napotápaton Isao anohuantërin. Yaꞌipi aꞌpatërinsopita manin huachi.

Génesis 33:9

—Ama iyaꞌhua napoquësohuëꞌ. Canta yaꞌhuëtërinco chachin. Co quëtaancoso yaꞌhuërinhuëꞌ, itërin Isaori.

Génesis 43:3

Napopirinhuëꞌ Cotari itapon: —Coꞌta tata huaꞌan napotërincoisoꞌ, nani shaꞌhuitërainquën: “Coꞌsoꞌ iyaparima huaꞌhua nininso quëmahuatamahuëꞌ, ama oꞌmacosohuëꞌ. Ina quëmama huarëꞌ tahuërëtaranquëmaꞌ,” itërincoi. Iyaꞌhua aꞌpaantohuatancoi, naporo huarëꞌ trico paꞌantomarainquën. Coꞌsoꞌ aꞌpaantohuatancoihuëꞌ, co paꞌmaaraihuëꞌ, itërin.

Génesis 47:29

Aꞌna tahuëri Cacoposoꞌ, nani chiminacaso yaꞌcaritërin ninatanin. Napoaton Cosi shaꞌhuitacaso marëꞌ aꞌnara aꞌparin. Huëꞌpachina, itapon: —Tëhuënchachin nosorohuatanco, nohuantërahuësoꞌ niquëꞌ. Ina yanipatansoꞌ, tonaroana sëꞌhuatoco. Sëꞌhuatatonco: “Yoscoarëꞌ nohuantëransoꞌ nisarahuë,” itocoꞌ. ¡Caso chiminpato, ama Yosë marëꞌ isëquë paꞌpitocosohuëꞌ!

Génesis 50:4

Ina tahuëriꞌsa naꞌhuëhuachina, Cosisoꞌ huaraon catahuapisopita huaꞌanoꞌsaꞌ, nontërin: —Tëhuënchachin noya niꞌpatamaco, ca marëꞌ huaraon nontooncoꞌ. Naporin Cosi: “Coꞌhuara tata chiminyátëraponhuëꞌ, camairinco Yoscoarëꞌ taꞌto natëcaꞌhuasoꞌ: ‘Nipaꞌpitaꞌhuaiso marëꞌ taparahuëquë chachin, poꞌmoontaco. Inasoꞌ, Canaan parti yaꞌhuërin,’ itërinco. Quëtoco paato tatahuë paꞌpitontaꞌi, topirahuë. Nani paꞌpitontahuato, oꞌmantarahuë tënin,” itocoꞌ, itërin.

2 Samuel 14:28

Cato piꞌipi pochin Quirosarinquë yaꞌhuërin. Napoaponahuëꞌ, co paꞌpin niꞌshátërarinhuëꞌ.

2 Samuel 14:32

—Poꞌpin yonquiato naporahuë: “¿Maꞌmarëcha Quisoro quëran huëꞌnahuë nicaya? inaquë nisarahuë naporini, noya noya niitohuëꞌ,” tënahuë. Ina Coapori copirno shaꞌhuichin taꞌto, piyapinëhuë catoro aꞌpatopiranquënhuëꞌ, co huëꞌnanhuëꞌ. Iporaso huachi shaꞌhuitonquë copirno niꞌchinaꞌi. Tëhuërahuëso marëꞌ yatëpahuachinco tëpachinaꞌinco, itërin.

Jeremías 31:2

Ina quëran Sinioro taantarin: “Inotëro parti israiroꞌsa paasoiꞌ, nosororahuësoꞌ, aꞌnotërahuë. Inapitasoꞌ chimirin quëran chaꞌëtë pochin nipi. Sano cancantacaiso marëꞌ noꞌpaꞌ yonisoiꞌ, yaꞌnotahuato nontërahuë: Carimasoꞌ, co piꞌpisha nosororanquëmahuëꞌ. Nosoromiatëranquëmaꞌ. Napoaton ipora huanta nosoroáranquëmaꞌ.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Apocalipsis 22:4

Inaquë paꞌpatëhuaꞌ, Yosë chachin nirayarihuaꞌ. Inasáchin natëarihuaꞌ. Ina piyapinënpita nisarihuaꞌ niꞌton, nininën tëꞌyaquënpoaquë acotarinpoaꞌ.

Rota naporinso' 2:10

Napotohuachina, inaso Pooso noya nicaton isonin quëran noꞌpaquë huarëꞌ monshomarin. Ina quëran itapon: —¿Onpoatonta ina pochin niꞌnanco? Caso nisha sanapico nipirahuëꞌ, noyasha nontëranco, itërin.

1 Samuel 20:3

Napotopirinhuëꞌ, Tapiriso chiníquën shaꞌhuitaantarin: —Nipayarësoꞌ tata nani nitotërin: “Tapi tëpahuato, Conatan co noyahuëꞌ cancantarin. Napoaton ama shaꞌhuichisohuëꞌ,” tosarin. Napoaponahuëꞌ, Yoscoarëꞌ co huaꞌquiya quëranhuëꞌ caso tata tëpaponco, itërin.