Génesis 33:1 - Chayahuita (Shahui)

¹ Cacoposoꞌ, Isao catapini pasa quëmapiꞌsarë chachin huëꞌsarin niꞌnin. Ina niꞌsahuaton, cara huënton huiꞌninpita acorin. Niataquë aꞌna huënton, Naquirataquë aꞌna huënton, cosonaroꞌsataquë, aꞌna huënton.

Génesis 33:1 ပူးပေါင်းရင်းမြစ်များ

Génesis 32:16

Inapita huayonahuaton, piyapinënpita quëtërin aꞌna huënton aꞌna huënton quëpacaiso marëꞌ. Coꞌhuara paꞌshátërasoihuëꞌ, maꞌsona nicacaisonta shaꞌhuitërin: —Canpitaso quëchitocoꞌ. Aꞌna huëntonꞌton paꞌin. Amasha aquëmiachin nipachin aꞌna yaꞌhuërëꞌ, paantaꞌin. Ama napopináchin pacosohuëꞌ, itërin.

Génesis 32:32

Napoaton iso quirica ninshitasoco huarënta Israiro shinpitasoꞌ, maꞌsharoꞌsa catantënquë pancarin ipatë yaꞌhuëtërinsoꞌ, co caꞌpihuëꞌ. Inaquë Cacopo ahuëpi niꞌton, co caꞌpihuëꞌ.

Génesis 33:2

Cosonaroꞌsaꞌton huaꞌhuinpitarë chachin aquëchitërin. Ina quëran Nia huaꞌhuinpitarë chachin ahuancanatërin. Naquirasoꞌ, Cosirëꞌ piquëran acorin.