Génesis 32:7 - Chayahuita (Shahui)

^7-8 Ina natanahuaton, Cacoposo paꞌpi paꞌyanin. Paꞌyanaton yonquirárin. Yonquirárin quëran, piyapinënpita, ohuicanënpita, ohuacanënpita, camiyonënpita, inapita cato huënton acorin. “Iya mashori, aꞌna huënton ahuëhuachinaꞌ, aꞌna huëntonso taꞌararin,” taꞌton naporin.

Génesis 32:7 ပူးပေါင်းရင်းမြစ်များ

Génesis 32:11

¡Nosoroatonco Sinioro iya masho Isao quëran, nichaꞌëco! Nani huëꞌsarin niꞌton, ahuërahuatonco, saꞌahuëpita, huiꞌnahuëpitarëꞌco chachin niquitohuachinco.

Génesis 32:3

Naporoꞌ Cacoposoꞌ, comisionoꞌsa Isao shaꞌhuitacaiso marëꞌ Sëir noꞌpaquë aꞌparin: “Iyaꞌhua huënantárin niꞌton, iso pochin nanan aꞌpatiarinquën: ‘Ca iya masho huënantárahuë. Maꞌsona quëma camaitëranso nisarahuë. Cato shonca piꞌipi api Napano yaꞌhuërinquë yacapatërahuë.

Génesis 33:1

Cacoposoꞌ, Isao catapini pasa quëmapiꞌsarë chachin huëꞌsarin niꞌnin. Ina niꞌsahuaton, cara huënton huiꞌninpita acorin. Niataquë aꞌna huënton, Naquirataquë aꞌna huënton, cosonaroꞌsataquë, aꞌna huënton.

Génesis 35:3

Manóton Pitiriquë paꞌahuaꞌ. Inaquë Yosë chinotaꞌhuaso marëꞌ artaro nicaꞌhuaso yaꞌhuërin. Iráca nanan yaꞌhuëtaponco, Yosëso naꞌcon catahuarinco. Naporahuaton, itohua itohua paꞌnahuëquë, caꞌtanatonco catahuarinco, itërin.

Salmos 107:6

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Éxodo 14:10

Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Mateo 8:26

—¿Onpoatomataꞌ tëꞌhuaramasoꞌ? ¿Co noya natëyatëraramacohuëꞌ ti? itërin. Ina quëran huënsëintarahuaton, ihuan aꞌparin. Sonontaꞌ nontërin. —Sanoquëꞌ, itohuachina, aꞌnaroáchin coꞌsacaiꞌ sanoirin.

Juan 16:33

Nani naꞌcon shaꞌhuitëranquëmaꞌ sano cancantacamaso marëꞌ. Casáchin yonquihuatamaco, sano cancantaramaꞌ. Co paꞌyanaramahuëꞌ. Piyapiꞌsaꞌ aparisitopirinënquëmahuëꞌ, catahuaranquëmaꞌ niꞌton, chiníquën cancantocoꞌ. Yaꞌipi isoroꞌpaquë co noyahuëꞌ nipisopita nani minsëarahuë, itërincoi Quisoso.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.

2 Corintios 1:4

Maꞌsona tërantaꞌ onpohuatëhuaꞌ, ina catahuarinpoaꞌ noya cancantacaso marëꞌ. Achinicancaninpoaꞌ niꞌton, canpoantaꞌ nanitarihuaꞌ aꞌnapita catahuacasoꞌ. Inapitantaꞌ maꞌsha onpohuachinaꞌ, achinicancanarihuaꞌ. Yosë catahuarinpoaso pochachin inapitantaꞌ catahuarihuaꞌ.

2 Timoteo 3:12

Yaꞌipi cancanënpoa quëran Quisocristo imapatëhuaꞌ, aparisitarinënpoaꞌ.