Génesis 32:5 - Chayahuita (Shahui)

⁵ Naꞌa ohuacaroꞌsaꞌ, moraroꞌsaꞌ, ohuicaroꞌsaꞌ, inapita yaꞌhuëtërinco. Piyapinëhuëpitantaꞌ, quëmapiꞌsaꞌ, sanapiꞌsaꞌ, yaꞌhuëtërinco. Iso nanan, aꞌpataranquën noya ninicatë yaꞌhuëantacaso marëꞌ tënin,’ itocoꞌ,” itërin. Napotahuaton aꞌparin.

Génesis 32:5 ပူးပေါင်းရင်းမြစ်များ

Génesis 30:43

Inapoaton inasoꞌ, paꞌpi maꞌhuanin. Paꞌpi notohuaroꞌ ohuica yaꞌhuëtahuaton, piyapinënpitanta quëmapiꞌsaꞌ, sanapiꞌsaꞌ, yaꞌhuëtërin. Notohuaroꞌ camiyoroꞌsaꞌ, moraroꞌsaꞌ, inapitanta yaꞌhuëtërin.

Génesis 31:16

Noꞌtëquën chachin Yosëri, tata maꞌshanënpita, matahuaton, canpoa quëtërinpoaꞌ. Inasoꞌ canpoanquën, huaꞌhuanpoapitanquën. Napoaton, maꞌsona Yosë shaꞌhuitërinquënsoꞌ, niquë huachi, itopi.

Génesis 31:3

Naporoꞌ Siniorori Cacopo itapon: “Tataparin, quëmopinënpita, inapita yaꞌhuërinso parti panantaquëꞌ. Carinquën caꞌtanatënquën catahuaranquën,” itërin.

Génesis 33:11

Yosë nohuanton maꞌhuanahuë, co manta pahuantërincohuëꞌ. Napoaton, quëshiranquënsopita, onpopionta maquëꞌ, itërin. Napotápaton Isao anohuantërin. Yaꞌipi aꞌpatërinsopita manin huachi.

Génesis 33:15

—Noyapaꞌ. Naporan niꞌquëhuarëꞌ, quëchitotaꞌi nipachin. Nipirinhuëꞌ caꞌtainquënso marëꞌ caraya piyapinëhuëpita pachi, itërin. Itopirinhuëꞌ, Cacoposo taantarin: —Ama iya napoquësohuëꞌ. Noya quiyaora paꞌsarai, itërin.

Génesis 33:8

Ina quëran Isaosoꞌ, Cacopo natanin: —¿Maꞌmarëta ina nápo pëꞌtahua huëntonoꞌsa aꞌparansopita, nacapirimarahuë? itërin. —Noya ninicatë yaꞌhuantacaso marëꞌ aꞌpatëranquënsopita, itërin Cacopori.

Génesis 47:25

Napotohuachina, inapitaso taantapi: —Noyapaꞌ. Inapochin nisarai. Quëmaso noya piyapinquën niꞌton, tana tëpaincoiso nipirinhuëꞌ, nichaꞌërancoi. ¡Huaraon nipachin piyapichincoi! itopi.

2 Samuel 16:4

—Noyapaꞌ. Yaꞌipi ina huaꞌanëntërinsoꞌ, iporaso quëmaquën nisarin, itërin copirnori. —Ipora tahuëri noya nicatonco catahuamiatëranco. ¡Maꞌcha ina pochachin catahuarárancohuë paya! itërin Sipari. Copirno noya nicaton monshoapon pochin napotërin.

Lucas 12:45

Nipirinhuëꞌ, inpriatonën nisha cancantohuachin, tapon: ‘Patron huaꞌquirarin. Co aꞌnaroáchin huëntaponhuëꞌ,’ taꞌton, piyapinënpita ahuëapon. Cosonanënpitantaꞌ ahuëapon. Pita nicacasoáchin cancantapon. Noꞌpirápon.

Rota naporinso' 2:2

Aꞌna tahuëri Rotari Noimi itapon: —Iminoꞌsaquë paꞌi topirahuë. Tapona inso sipata yaquinaꞌpi tërantaꞌ, patërinsopita macaꞌhuasoꞌ nohuantërin, itërin. —Paquë nipachin huaꞌhua, itërin aꞌshatëni.

1 Samuel 1:18

—Maꞌcha inachachin aꞌna tahuërinta noya niantarancohuë paya, itaantarin Anari. Ina quëran inaso paantarahuaton, coshatoonin. Naporahuaton co huachi sëtërinhuëꞌ.