Génesis 32:31 - Chayahuita (Shahui)

³¹ Piꞌi pipiriahuasoꞌ, Pinoiro quëran huëꞌsarin huachi. Catantëntaquëchin, tonaransë notohuëtërin niꞌton, sonpariarin.

Génesis 32:31 ပူးပေါင်းရင်းမြစ်များ

Génesis 16:13

Siniorori nontërin niꞌton, Acarasoꞌ paꞌyanënquë tapon: “¿Yosë chachin nontaporahuë co chiminahuë ti?” tënin. Ina yonquiaton, iso pochin Sinioro nohuitërin: “Nicatonco, catahuarincoso Yosë,” itërin.

Génesis 19:15

Nani tahuëri yaꞌcari nipachina, anquëniroꞌsari Noto itaponaꞌ: —¡Pashi tëquëꞌ! Saꞌan, cato huiꞌnanpita, inapita masahuaton, iso ninano quëran ocoiquë huachi. Ninano ataꞌhuantëraiquë, chimintamaꞌ.

Génesis 19:23

Nani tahuërihuachina Notosoꞌ, Soaro ninanoquë camarin.

Génesis 32:25

Napoaponahuë quëmapi yaꞌnorinsosoꞌ, co Cacopo minsëcaso nanitërinhuëꞌ. Co nanitatonhuëꞌ, Cacopo tonaransën, ahuëtërin. Catantën nipaquëtërintaquëchin ahuërin niꞌton, notohuëtërin. Nipanisoi napotërin.

Génesis 32:32

Napoaton iso quirica ninshitasoco huarënta Israiro shinpitasoꞌ, maꞌsharoꞌsa catantënquë pancarin ipatë yaꞌhuëtërinsoꞌ, co caꞌpihuëꞌ. Inaquë Cacopo ahuëpi niꞌton, co caꞌpihuëꞌ.

1 Reyes 12:25

Quiropoamosoꞌ copirno yaꞌconahuaton, Siquimo ninano noyá acorin. Inaso ninanoꞌ, Iprain israiroꞌsa noꞌpanënquë yaꞌhuërin. Noyá acorapiton inaquë yaꞌhuërin huachi. Ina piquëran Pinoiro ninano itopisonta noyá acorapirin.

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

Éxodo 24:10

Inaquë pantahuachinara, Israirori chinotërinso Yosë chachin quënanpi. Noyápiachin nininquë toꞌquëtërin. Sapiro naꞌpiraꞌhua huënaratërinquë pochin toꞌquëtërin. Aꞌninquëchin piꞌiroꞌtë pochin yaꞌnorin.

Éxodo 24:11

Yosë chachin nicaponaraihuëꞌ isopita huaꞌanoꞌsa co chiminpihuëꞌ. Yosërëꞌ anoyatopiso yonquiatonaꞌ, caꞌpi, oꞌopi, napopi. Ina quëran naquëranchin nohuaraimantapi.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Malaquías 4:2

Noya nicatomaco natëramacosopitaso nipirinhuëꞌ, noya coisë pochin ninahuësoꞌ, niꞌsaramaꞌ. Piꞌi aꞌpinpachina aꞌninquëchin maꞌsha quënanëso pochin niꞌsaramaꞌ. Naporoꞌ canpitaso nichaꞌësaranquëma niꞌton, capa cancantaramaꞌ. Ohuacaꞌhuaroꞌsa oncorapipi quëran iꞌsohuatohuachinara, niirëꞌnachin taꞌapiso pochin cancantaramaꞌ.

2 Corintios 12:7

Yosë naꞌcon naꞌcon anitotërinco. Ina quëran ama aꞌnapita nocanaꞌhuaso marëhuëꞌ ina nohuanton, maꞌsha onporahuë. Nahuan acoposha ohuanincoso pochin natanahuë. Co oshahuanaporahuëꞌ, Satanasë naꞌcon aparisitërinco.

2 Corintios 12:9

Sinioro shaꞌhuitërinco: “Ca nohuanto, ipora huantaꞌ parisitapiranhuëꞌ, nosoroatënquën, naꞌcon catahuaranquën. Carinquën achinicancanaranquën noya ahuantamaso marëꞌ. Co quëmaora nanitohuatanhuëꞌ, naꞌcon naꞌcon catahuaranquën. Maꞌsona tërantaꞌ onpohuatan, co onporontaꞌ pataranquënhuëꞌ,” itërinco. Napoaton co huachi sëtërahuëꞌ. “Co caora nanitohuatërahuëꞌ, Quisocristo naꞌcon naꞌcon catahuarinco,” taꞌto, noya cancantërahuë.

Jueces 6:22

“Sinioro anquëninën chachin nontápirahuëꞌ,” tënin. Ina quëran Yosë nontaton: —¡Maꞌhuantacha Sinioro ninahuë paya! Anquëninën chachin nisapirinhuëꞌ, nirayarahuë, itërin.

Jueces 6:23

Siniororiso nipirinhuëꞌ, itapon: —Ama paꞌyanquësohuëꞌ. Co chiminaponhuëꞌ. Caso sano cancantërahuë. Inapochachin quëmanta sano cancantëquëꞌ, itërin.

Jueces 8:8

Ina quëran Pinoiro ninanoquë paꞌpi. Inaquënta Socotoquë natantërinso chachin nataantarin. Natantopirinhuëꞌ, inahuanta Socotoroꞌsa aꞌpanitopiso pochachin aꞌpanitaantapi.