Génesis 32:13 - Chayahuita (Shahui)

¹³ Naporo tashi inaquë Cacopo huëꞌërin. Tahuëririnquë capayatahuaton, yaꞌcariya yaꞌhuërinsopita quëran, pëtahuaroꞌsa huayonin. Iin masho Isao nicanacaso marëꞌ huayonin:

Génesis 32:13 ပူးပေါင်းရင်းမြစ်များ

Génesis 13:16

Ca nohuanto shiparinpita paꞌpi notohuaroꞌ naꞌamiataponaꞌ. Moꞌshi co pichicasohuëꞌ ninin. Inapochachin shiparinpitanta co onpo pichicasohuëꞌ naꞌaponaꞌ.

Génesis 15:5

Itahuaton, nëꞌmëtë pëinën quëran ocoirin. Ocoirahuaton, shaꞌhuitërin: —Piꞌiroꞌtë nëꞌpërahuaton, tayoraroꞌsa pichiquëꞌ. Nanitohuatan pichiquëꞌ. Ina nápo shiparinpita yaꞌhuëtarinquën, itërin.

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 22:17

Noya nicatënquën catahuamiataranquën. Ca nohuanto shiparinpita, tayoraroꞌsa nápo naꞌaponaꞌ. Marë yonsanquë inotëraꞌhuaya nápo, naꞌamiataponaꞌ. Naporahuaton, inapitaso inimiconëna minsëraꞌpiaponaꞌ.

Génesis 32:14

Cato pasa chipo sanapi, cato shonca chipo, cato pasa ohuica, cato shonca carniro, cara shonca camiyo paya nasha huaipiso huaꞌhuinpitarë chachin, catapini shonca ohuacaꞌ, shonca toroaꞌhua, cato shonca mora sanapi nininsoꞌ, shonca mora quëmapi, inapita.

Génesis 33:10

Itopirinhuëꞌ, Cacoposoꞌ taantarin: —Ama iya masho napoquësohuëꞌ. Tëhuënchachin noya ninicatë yaꞌhuantacaso nohuantohuatan, onpopionta maquë taꞌa. Quëmaora chachin noya nontaantarancosoꞌ nicato, Yosë chachin napotërincoso pochin cancantërahuë.

Génesis 33:8

Ina quëran Isaosoꞌ, Cacopo natanin: —¿Maꞌmarëta ina nápo pëꞌtahua huëntonoꞌsa aꞌparansopita, nacapirimarahuë? itërin. —Noya ninicatë yaꞌhuantacaso marëꞌ aꞌpatëranquënsopita, itërin Cacopori.

Génesis 42:6

Nani shaꞌhuitëranquëmaso chachin Cosisoꞌ, huaraon yaꞌhuërënamën yaꞌipi Iquipitoquë camaitarin. Naporahuaton ina camaitohuachina, yaꞌipi parti quëran huëꞌpisopita, trico paꞌantapi. Iinpitanta camahuachinara, nontacaiso marëꞌ isonpi quëran noꞌpaquë huarëꞌ monshorahuatonaꞌ, moshaipi.

Génesis 43:11

Napotohuachina, paꞌpini itapon: —Co onpotacasohuëꞌ niꞌquëhuarëꞌ, isopoco nipachin: Huaꞌan nicanacamaso marëꞌ iso noꞌpaquë maꞌsha noya noyatërinsopita costaronëmaquë quëpacoꞌ: Parsamo nimirio, ninoiꞌ, pimo huaꞌsaiꞌ, pimo yaquiꞌ, tanpapi nitërinsoꞌ, niꞌto nitërinsoꞌ, inapita piꞌpian piꞌpian poꞌmotahuatomaꞌ, quëpacoꞌ.

Génesis 43:26

Cosi canquihuachina, nicanacaiso marëꞌ quëshipisoꞌ quëtopi. Naporahuatonaꞌ, isonpi quëran noꞌpaquë huarëꞌ monshorahuatonaꞌ, moshapi.

Nehemías 4:13

Napotohuachinacoira, sacatoroꞌsa quëmopinënpitarë chachin yapo yaporia paira nininquë acoraꞌpiarahuë. Sahuëninënaꞌ, nansanënaꞌ, pëꞌchinanënaꞌ, inapitarë chachin acoraꞌpiarahuë. Yaꞌcoanaroꞌsaquëntaꞌ, inapotëraꞌpiarahuë.