Génesis 32:1 - Chayahuita (Shahui)

^1-2 Napano piyapinënpitarë chachin paꞌmantahuachina, Cacoponta piyapinënpitarë chachin paantarin. Paasoi Cacoposoꞌ, Yosë anquëninënpitari nacapirin. Inapita quënanahuaton, tapon: “Isopitasoꞌ, Yosë sontaronënpita huënton. Catahuainacoso marëꞌ aꞌpaimarinsoꞌ,” tënin. Napoaton ina roꞌtësoꞌ: Maanain, itërin.

Génesis 32:1 ပူးပေါင်းရင်းမြစ်များ

Génesis 18:33

Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 31:28

Huiꞌnahuëpita, shihuëpitantaꞌ, ichitaꞌairan niꞌton, co apinoto nontaꞌhuasoꞌ quëtërancohuëꞌ. ¡Co manta yonquirëhuë pochin ninan!

Salmos 34:7

Sinioro noya nicatë natëhuatëra, anquëninën tahuirapitatonpoa paꞌpoyararinpoaꞌ.

Salmos 91:11

Yosëri anquëninënpita aꞌpaiinpoaso marëꞌ camaiarin. Intohuaso paꞌnëhuaquë, inapita aꞌpaiarinpoaꞌ.

1 Corintios 3:22

Ina nohuanton, carinquëmaꞌ aꞌchintëranquëmaꞌ. Aporosë, Pitro, inapitantaꞌ Yosëri aꞌparin aꞌchintinquëmaso marëꞌ. Nani maꞌsha isoroꞌpaquë quëtërinpoaꞌ noya yaꞌhuëcaso marëꞌ. Anoyacancantërinpoaꞌ Yosë nohuitatëhuaꞌ noya noya nanpicaso marëꞌ. Chiminpatëhuaꞌ, yaꞌhuërinꞌpaꞌ noya noya yaꞌhuëcontarihuaꞌ. Ipora tahuëriꞌsaꞌ noya catahuarinpoaꞌ. Oꞌmantacasoꞌ tahuërintaꞌ co naniantarinpoahuëꞌ. Noyasáchin yonquirinpoaꞌ.

Efesios 3:10

Naꞌcon Yosë yonquirinpoaꞌ. Ina nohuanton, oshaquëran aꞌnaya aꞌnayanpoaꞌ imarëhuaꞌ. Iporasoꞌ naꞌaquënpoaꞌ imapatëhuaꞌ, Quisocristo huëntonënquë yaꞌconëhuaꞌ. Inápaquë chiníquën nanantopisopitantaꞌ nicatënënpoaꞌ: “Ma noya Yosë yonquirin niꞌton, anoyacancantaton, huëntonënquë chachin ayaꞌconin paya,” tosapi.

Hebreos 1:4

Yosë huiꞌnin niꞌton, anquëniroꞌsa quëran chini chiníquën nanantërin inasoꞌ. Yosëri acorin niꞌton, inasoꞌ noya noya.