Génesis 31:7 - Chayahuita (Shahui)

⁷ Naporahuaton nonpintahuatonco co noꞌtëquën pahuërërincosohuëntaꞌ, nitotëramaꞌ. Napoaponahuëꞌ, Yosë catahuarinco niꞌton, co aquëtë huarëꞌ ihuarincohuëꞌ.

Génesis 31:7 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 20:6

Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Génesis 29:25

Tahuëririnquë tashíramiachin Cacoposoꞌ, Nia ichihuëꞌërinso niꞌnin. Niꞌsahuaton, paꞌpi paꞌyantërin. Napoaton Napano chiníquën nontërin: —¡Co napochitoncohuë pora! ¡Coꞌta Naquira marëꞌ nani sacatërahuë! ¡Nani nonpintëranco niꞌsora! itërin.

Génesis 30:28

Shaꞌhuitoco onposona canacamaso nohuantëransoꞌ. Nápo chachin pahuërëꞌinquën, itërin.

Génesis 31:29

Nohuantërahuë naporini, maꞌshátërahuë yaꞌipinquëma anaꞌinchitënquëmahuëꞌ. Napoaponahuëꞌ, achin tashi chachin Yosë nontërinco. Inasoꞌ tataparionta chinotërin. Huëꞌëhuëquë yaꞌnotatonco nontërinco: “Natanquë Napano shaꞌhuichinquën. Niꞌquëna Cacopo noꞌhuiton maꞌsha onpototan. Tananpitëquë paꞌin,” itërinco.

Génesis 31:41

Cato shonca piꞌi quëma marëꞌ sacatato, yaꞌipi inapita ahuantërahuë. Cato huiꞌnanpita marëꞌ shonca catapini piꞌipi sacatërahuë. Pëꞌtahuanënpita marëntaꞌ, saota piꞌi sacatërahuë. Naporahuaton, apira apira pochin nisha nisha canaꞌhuaso shaꞌhuitëranco.

Nehemías 4:12

Napopirinahuëꞌ, cotioroꞌsa inaquë yaꞌhuëpisopitasoꞌ, apira apira shaꞌhuitiirinacoi: “Itohuaran itohuaran yayaꞌcontatënënquëma yaahuërinënquëmaꞌ,” itiirinacoi.

Copo naporinso' 19:3

Nani naꞌaro noꞌhuiramaco. Inapoatomaꞌ, aparisitaramaco niꞌton, tapanco huachi.

Copo naporinso' 19:8

Parisitërahuësoꞌ taꞌananpitë pochin yanitopirahuëꞌ. Ira paꞌcopitatë pochin Yosë nitërinco. Co onpo taꞌachináchinhuëꞌ ninahuë. Iranëhuë, tashiri noyá iꞌcopitërinso pochin acotërinco.

Salmos 37:28

Siniorosoꞌ, noyasáchin nipisopita paꞌyatërin. Imamiatërinsopita co onporonta aꞌpoarinhuëꞌ. Noya aꞌpairápon. Inpioroꞌsa shinpitaso nipirinhuëꞌ, ataꞌhuantapon.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Daniel 1:20

Aꞌna tahuëri maꞌsona nicacasoꞌ natanpachina, aꞌnapita quirica nitotoroꞌsa quëran noya noya shaꞌhuitopi. Magiaroꞌsaꞌ, ninotonaꞌpiroꞌsaꞌ, co inapitari tëranta inapita huiꞌnapiꞌsa pochin copirno shaꞌhuitopihuëꞌ.

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.