Génesis 31:55 - Chayahuita (Shahui)

⁵⁵ Tahuëririnquë tashíramiachin Napanosoꞌ huënsëintarahuaton, huiꞌninpita, shinpita, inapita apinoraꞌpiarin: “Yosë catahuainquëma noya pacoꞌ,” itahuaton yaꞌhuërinquë paꞌmantarin huachi.

Génesis 31:55 ပူးပေါင်းရင်းမြစ်များ

Génesis 18:33

Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 28:1

Nipicari napotohuachina, Isacori, Cacopo amatahuaton, noya nontërin. Co noꞌhuirinhuëꞌ. Noya yaꞌhuëcaso marëꞌ shaꞌhuitaton itapon: “Yosë noya catahuainquën conpa,” itërin. Napotahuaton pënënin: “Ama iso Canaan noꞌpaquë sanapi máquësohuëꞌ.

Génesis 30:25

Cosi nasitërin piquëran Cacoposoꞌ, Napano itapon: —Yaꞌhuërahuëquë chachin yapanantapirahuëꞌ.

Génesis 31:28

Huiꞌnahuëpita, shihuëpitantaꞌ, ichitaꞌairan niꞌton, co apinoto nontaꞌhuasoꞌ quëtërancohuëꞌ. ¡Co manta yonquirëhuë pochin ninan!

Génesis 31:43

Cacopori napotohuachina, Napanosoꞌ tapon: —Isopita catoroꞌsasoꞌ, huiꞌnahuëpita. Isopita huaꞌhuaroꞌsanta shihuëpita. Pëꞌtahua huëntonoꞌsantaꞌ, caquën. Yaꞌipi isëquë niꞌnansoꞌ, caquënáchin. Napoaponahuëꞌ, huiꞌnahuëpita catahuaꞌhuaso marëꞌ yaꞌipi quëchi nipachin. Shihuëpitanta quëchi.

Génesis 33:4

Cacoposoꞌ tëꞌhuaton naporin. Napopirinhuë Isaorisoꞌ, taꞌaquirahuaton iin iporin. Iporahuaton, apinorin, naporin. Cato chachin noya ancantatonaꞌ, ninaꞌnëtopi.

2 Samuel 19:39

Yaꞌipiya quëran Cortaniiꞌ pëntontopi huachi. Copirnonta pëntonpachina, Parsirairi noya pacacaso marëꞌ apinorin. Napotahuaton yaꞌhuërinꞌpaꞌ panantarin.

Números 23:11

Naporinso natanahuaton, Paracori Paramo itapon: —¡Ama napotëquësohuëꞌ! Inimiconëhuëpita ama huachi noya yaꞌhuëcaiso marëhuëꞌ shaꞌhuitamaso marëꞌ amatëranquën huëꞌnan. Quëmariso napoaponahuëꞌ, noya yaꞌhuëcaiso marëꞌ shaꞌhuitëran, itërin.

Números 23:5

Napotohuachina Siniorori Paramo anitotërin maꞌsona taꞌcasoꞌ. Nani anitotahuaton itapon: —Paracotaquë paantarahuaton, carinquën anitotëranquënso chachin shaꞌhuitëquëꞌ, itërin.

Números 23:8

Napopirinhuëꞌ, inahuaso Yosëri noya niꞌnin. Noyasáchin yonquirapirin. Napoaton co nanitërahuëꞌ inapotaꞌhuasoꞌ. Co piꞌpian tëranta nanitërahuëꞌ, co noyahuëꞌ yonquirapiaꞌhuasoꞌ.

Números 24:25

Yosë yonquirinso shaꞌhuirahuaton, Paramoso yaꞌhuërinꞌpaꞌ paantarin. Paraconta yaꞌhuërinꞌpaꞌ paꞌnin antaꞌ.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

Rota naporinso' 1:14

Napotohuachina, inahuaso naquëranchin naꞌnëantapi. Napoin quëran Orpasoꞌ, aꞌshatën yapataton apinorin huachi. Apinorahuaton panantarin. Rotaso napoaponahuëꞌ, inarë quëparitërin.