Génesis 31:53 - Chayahuita (Shahui)

⁵³ Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

Génesis 31:53 ပူးပေါင်းရင်းမြစ်များ

Génesis 11:31

Tarisoꞌ, Orë ninano quëran pipirin. Cartioroꞌsa yaꞌhuërin quëran pipirahuaton, Canaan parti chinoton, paꞌnin. Huiꞌnin Apran itopiso Sarairë chachin quëparin. Naporahuaton, shionta Noto itopiso quëparin. Paꞌsapirinahuëꞌ, Aran ninanoquë canconpachinara, inaquë quëparitonpi.

Génesis 14:22

Napotopirinhuëꞌ, Apranisoꞌ itapon: —Yosë chini chiníquën nanantaton, piꞌiroꞌtëꞌ, isoroꞌpaꞌ, inapita acorin. Ina niꞌsárinco niꞌton, co piꞌshi tërantaꞌ, co sapatë nonin tëranta caora marëꞌ macapohuëꞌ: “Cari, Apran amaꞌhuanahuë.” Ama tëcamaso marëhuëꞌ, co macapohuëꞌ.

Génesis 16:5

Naporoꞌ Sarairi Apran itapon: —Quëma tëhuëran niꞌton, Acara nocaninco. Cari chachin acoantopiranquënhuëꞌ, iporasoꞌ huaꞌhuanaton, nocaninco huachi. Sinioro chachin inquënposona tëhuërësoꞌ anitochinpoꞌ: Quëma tëhuëmaranquën, ca aꞌna napomaraco, itërin.

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 28:13

Naporahuaton, Sinioro chachiontaꞌ, ina pirayan huaniarin niꞌnin. Inari nontaton, itapon: “Caso Sinioroco. Quëmaquën Tata masho, Apraan itopisoꞌ chinotërinco. Tata parionta chinotërinco. Quëhuëntëransoꞌ noꞌpaꞌ quëtaranquën. Shiparinpitantaꞌ, iso noꞌpa chachin huaꞌanëntaponaꞌ. Isoso noꞌpaꞌ, Canaan itopi.

Génesis 31:42

Apraan chinotërinso catahuarinco. Tata Isacontaꞌ, inachachin chinotërin. Coꞌsoꞌ ina catahuarincohuë naporini, topinamiáchin yaꞌhuërahuëquë aꞌpaꞌitoncohuëꞌ. Yosëso nipirinhuëꞌ, parisitërahuësoꞌ nitotërin. Chiníquën sacatato maꞌsha yaꞌhuëtërincosontaꞌ, nitotërin. Napoaton achin tashi pënëninquën, itërin Cacopori.

Génesis 31:52

Inapita ayonquiarinpo ama quëmanta maꞌsha onpotancoso marëhuëꞌ, isëquëran pëntonquësohuëꞌ. Co ca tëranta maꞌsha onpotaꞌhuanquënso marëꞌ isëquëran pëntonaꞌhuaso yaꞌhuërinhuëꞌ.

Génesis 47:31

—Yoscoarëꞌ inapochinquën itoco, itaantarin paꞌpini. Napotohuachina, Cosisoꞌ: “Yoscoarëꞌ inapotaranquën,” itërin. Ina natanaton, Cacoposo, pëꞌsaranënquë huënsërin. Inaquë huënsërin quëran, “Yosparinquën,” taꞌcaso marëꞌ mónsho tënin.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Deuteronomio 6:13

Sinioroíchin chinotocoꞌ. Inasáchin natëcaso yaꞌhuërin. Inasoꞌ huaꞌanëntërinpoaꞌ. Maꞌmarësona tëranta natëtacaiso marëꞌ shaꞌhuihuatamaꞌ, Yoscoarëꞌ taꞌtoma shaꞌhuicoꞌ.

1 Samuel 20:23

Yoscoarëꞌ niitatë anoyatërëso nipirinhuëꞌ, Sinioronta nani nitotërin. Co inaso naniantarinhuëꞌ, itërin.

1 Samuel 24:12

Sinioro chachin noꞌtëquën shaꞌhuichinpoꞌ, inquënposona tëhuërësoꞌ. Inari chachin maꞌsha onpotërancoso marëꞌ iꞌhuërëchinquën. Caso napoaponahuëꞌ, co onporo tëranta tëpaponquënhuëꞌ.