Génesis 31:46 - Chayahuita (Shahui)

⁴⁶ Naporoꞌ quëmopinënpita camairin: —¡Naꞌpiroꞌsa yontoncoꞌ! itërin. Itohuachina, yaꞌipiya quëran naꞌpiroꞌsa yontonpi. Aꞌmitë aꞌmitëtahuatonaꞌ, panca imopi. Ina quëran, yaꞌipiya coshatopi, naꞌpiroꞌsa aꞌmitë aꞌmitëtopiso pirayan coshatopi.

Génesis 31:46 ပူးပေါင်းရင်းမြစ်များ

Génesis 31:23

Ina nitotaton, quëmopinënpitarë chachin, imaquirin. Canchisë tahuëri quëran, Carata motopiroꞌsa parti canquipi. Napoaponahuëꞌ, naporo tashi Yosëri huëꞌënquë yaꞌnotaton itapon: “Natanquë Napano shaꞌhuichinquën. Niꞌquëna Cacopo noꞌhuiton maꞌsha onpototan. Tananpitëquë paꞌin,” itërin. Tahuërianpitahuaton Napanosoꞌ,

Génesis 31:32

Nipirinhuëꞌ, insosona tëranta mamanshinënpita matahuatënquën, quësahuachin, ¡chimiin! Maꞌsona tëranta quëmaquën nininsoꞌ quësahuato, yaꞌipi quëmopinënpoapita niꞌtonënquë aꞌnoquëꞌ. Inapotaton quëpamantaquëꞌ, itërin. Napopirinhuë Cacoposoꞌ, Naquirari paꞌpin mamanshinënpita ihuarinsoꞌ, co nitotërinhuëꞌ.

Génesis 31:37

Yaꞌipi maꞌshanëhuëpita oꞌquiaton yoniran. ¿Maꞌta quënaparanco quëmaquën nininsoꞌ? Maꞌsona quënanpatan, aꞌninquëchin, quëmopinënpita notënanquë acoquëꞌ. Quëmopinëhuëpitarintaꞌ, niꞌin. Inapita shaꞌhuichinpoaꞌ insosona noꞌtëquën noninsoꞌ.

Génesis 31:45

Napotohuachina, Cacopontaꞌ, “Noyapaꞌ,” tëcaton, aꞌnara naꞌpi manin. Ina masahuaton, onë pochin ahuanirin.

Génesis 31:47

Napanosoꞌ inaora nanamënquë, ina roꞌtë nohuitaton, “Quicaro Saatota,” itërin. Cacoporiso nipirinhuëꞌ, inaora nanamënquë ina roꞌtë chachin, Carata, itërin.

Génesis 31:54

Inapoatona anoyatohuachinara, Cacoposo inaquë chachin Yosë chinotacaso marëꞌ maꞌsharoꞌsa tëparin. Nani Yosë chinotohuachinara, quëmopinënpita ichicoshatërin. Yaꞌipiya coshatopi. Nani coshatohuachinara, inaquë chachin huëꞌëantapi.

2 Samuel 18:17

Naporoꞌ Apësaron nonën masahuatonaꞌ, noꞌpaꞌ nanin acoponantëquë tëꞌyatopi. Inapotahuatonaꞌ, notohuaroꞌ naꞌpiroꞌsaquë imotopi. Sontaronënpitaso co huachi imapachinarahuëꞌ, yaꞌhuëpiꞌpaꞌ taꞌapi.

Eclesiastés 3:5

Naꞌpira inquicaso tahuëri. Inquirësoꞌ, yontoantacaso tahuëri. Ipocaso tahuëri. Tananpitacaso tahuëri.