Génesis 31:41 - Chayahuita (Shahui)

⁴¹ Cato shonca piꞌi quëma marëꞌ sacatato, yaꞌipi inapita ahuantërahuë. Cato huiꞌnanpita marëꞌ shonca catapini piꞌipi sacatërahuë. Pëꞌtahuanënpita marëntaꞌ, saota piꞌi sacatërahuë. Naporahuaton, apira apira pochin nisha nisha canaꞌhuaso shaꞌhuitëranco.

Génesis 31:41 ပူးပေါင်းရင်းမြစ်များ

Génesis 27:44

Inaquë paaton, huaꞌquimiachin yacapaontaquëꞌ. Iya masho noꞌhuitërinsoꞌ sanoquë huarëꞌ, inaquë yaꞌhuëcontaquëꞌ. Co huachi quënanpachinquënhuëꞌ, napotëransoꞌ naniantapon. Naporoꞌ huënantamaso marëꞌ amataranquën. Co nohuantërahuëꞌ naporo chachin catonquëma chiminamasoꞌ, itërin.

Génesis 29:15

Ina piquëran Napanori itapon: —Quëmopinëhuënquën nipiranhuëꞌ, co topinan asacataꞌhuanquënso yaꞌhuërinhuëꞌ. Shaꞌhuitoco onposo canacamaso nohuantëransoꞌ.

Génesis 30:28

Shaꞌhuitoco onposona canacamaso nohuantëransoꞌ. Nápo chachin pahuërëꞌinquën, itërin.

Génesis 31:38

Cato shonca piꞌi quëma marëꞌ sacatërahuë. Naporoꞌ co aꞌna ohuica tërantaꞌ, co aꞌna chipo tëranta anaꞌhuarinhuëꞌ. Huëntonënpita quëran, co aꞌna carniro tërantaꞌ, capitëranquënhuëꞌ.

Génesis 31:40

Tahuëri nipachina piꞌi acorinco, tashinta nipachina sëhuën acorinco. Pëꞌtahuaroꞌsa aꞌpaito, huëꞌëi natanahuë. Inapoato nohuantasoꞌ parisitërahuë.

Génesis 31:6

Canpitasoꞌ, nani nitotërama tata marëꞌ chiníquën sacatërahuësoꞌ.

Génesis 31:7

Naporahuaton nonpintahuatonco co noꞌtëquën pahuërërincosohuëntaꞌ, nitotëramaꞌ. Napoaponahuëꞌ, Yosë catahuarinco niꞌton, co aquëtë huarëꞌ ihuarincohuëꞌ.

1 Corintios 15:10

Inaora nohuanton, Yosë catahuarinco. Co catahuarincohuëꞌ naporini, co mantaꞌ nanichitohuëꞌ. Catahuahuachincora, paꞌnahuë nanamën aꞌchinapo. Co topinan quëran catahuarincohuëꞌ. Casoꞌ naꞌcon naꞌcon Yosë marëꞌ sacatërahuë. Co carisoꞌ piyapiꞌsaꞌ anoyacancantërahuëꞌ. Yosë achinicancaninco aꞌchinaꞌhuaso marëꞌ. Ina catahuarinco niꞌton, aꞌchinpatëra naꞌa piyapiꞌsaꞌ imasapi.

2 Corintios 11:26

Aꞌchinacaꞌhuaso marëꞌ paꞌsárahuë. Iiroꞌsaꞌ panca pamatohuachina, shichimiitërahuë. Ihuatëroꞌsantaꞌ yatëparinaco. Cantaꞌ cotio piyapico nipirahuëꞌ, cotioroꞌsaꞌ noꞌhuitonaco, yaahuërinaco. Nisharoꞌsantaꞌ noꞌhuirinaco. Panca ninanoroꞌsaquë aꞌnaquën yaahuërinaco. Co piyapi yaꞌhuërinquëontaꞌ maꞌsha onporahuë. Marë paꞌtohuatëra, parisitërahuë. Aꞌnaquën: “Quiyantaꞌ imarai,” taponaraihuëꞌ, chiníquën noꞌhuirinaco.