Génesis 31:27 - Chayahuita (Shahui)

²⁷ Nonpintatonco, co shaꞌhuitaponcorahuëꞌ taꞌaiaran. ¡Co naporëhuëꞌ! Yaꞌhuëranquë yapaantaranso shaꞌhuitëranco naporini, noya ninontatëhua capa cancanchitërihuahuëꞌ. Pita nicatëhuaꞌ: Tonton, arpa, inapita piꞌnipiquë ninonchitërihuahuëꞌ.

Génesis 31:27 ပူးပေါင်းရင်းမြစ်များ

Génesis 31:26

Cacopo quënanahuaton, chiníquën nontërin: —¡Paꞌpi co noyahuëꞌ ninan! ¡Co nonpinchitoncohuëꞌ pora! Ahuëtahuatë sanapiꞌsa manëso pochin huiꞌnahuëpita quëshiaranco.

Génesis 31:31

Napotohuachina, Cacopori Napano itapon: —Tëꞌhuatatënquën topinan huëꞌsarahuë: “Paantaꞌhuaso shaꞌhuitohuatosoꞌ, saꞌahuëpita osërëtamarinco,” taꞌto, naporahuë.

Génesis 4:21

Caparosoꞌ, aꞌnara iyaꞌhuain yaꞌhuëtërin, Coparo itopisoꞌ. Coparo shinpitasoꞌ, arpa míso piꞌnipi. Nisha nisha pirinaonta míso pihuipi.

Éxodo 15:20

Naporoꞌ aꞌna sanapinta huanirin, Maria itopisoꞌ. Inasoꞌ, Yosë yonquirinso shaꞌhuinaꞌpi. Aaron oshinpain. Pantirita piꞌniaton, Yosë cantanën cantararin. Yaꞌipi israironoꞌsanta yorantapi. Naporahuatona Yosë marëꞌ nansarapi.

Jueces 6:27

Napotohuachina Quitionosoꞌ catahuacaiso marëꞌ shonca piyapinënpita quëparin. Inapitari catahuarin niꞌton, yaꞌipi Siniorori camairinso ninin. Napoaponahuëꞌ, co tahuëri inaporinhuëꞌ. Paꞌpin quëmopinënpita, ina ninanoquë yaꞌhuëpisopita, inapita tëꞌhuataton, tashi inaporin.