Génesis 31:26 - Chayahuita (Shahui)

²⁶ Cacopo quënanahuaton, chiníquën nontërin: —¡Paꞌpi co noyahuëꞌ ninan! ¡Co nonpinchitoncohuëꞌ pora! Ahuëtahuatë sanapiꞌsa manëso pochin huiꞌnahuëpita quëshiaranco.

Génesis 31:26 ပူးပေါင်းရင်းမြစ်များ

Génesis 12:18

Napoaton Apran amataton, itapon: “¿Onpoatonta napotëranco? ¡Iso sanapi saꞌan nipirinhuëꞌ, shaꞌhuichitonco pora!

Génesis 2:24

Napoaton quëmapi saꞌapachin, paꞌpin, aꞌshin inapita patahuaton, saꞌinëꞌ nichinpitacaso yaꞌhuërin. Catoyaꞌpi nipirinahuëꞌ, aꞌnaíchin pochin nipi huachi.

Génesis 26:10

Napopirinhuëꞌ, Apimiricori itapon: —¡Co napochitoncoihuë pora! Onpichin saꞌan inso yaꞌhuëhuani tërantaꞌ, ichihuëꞌërin. Ina marëꞌ quiyasoꞌ oshahuaintoihuëꞌ, itërin.

Génesis 29:25

Tahuëririnquë tashíramiachin Cacoposoꞌ, Nia ichihuëꞌërinso niꞌnin. Niꞌsahuaton, paꞌpi paꞌyantërin. Napoaton Napano chiníquën nontërin: —¡Co napochitoncohuë pora! ¡Coꞌta Naquira marëꞌ nani sacatërahuë! ¡Nani nonpintëranco niꞌsora! itërin.

Génesis 3:13

Napotohuachina, sanapi yaꞌhuërëꞌ tahuërëtahuaton, itapon: —¿Onpoatonta naporansoꞌ? itërin. —Yaꞌhuan nonpintërinco niꞌton, caꞌnahuë, tënin sanapi.

Génesis 31:16

Noꞌtëquën chachin Yosëri, tata maꞌshanënpita, matahuaton, canpoa quëtërinpoaꞌ. Inasoꞌ canpoanquën, huaꞌhuanpoapitanquën. Napoaton, maꞌsona Yosë shaꞌhuitërinquënsoꞌ, niquë huachi, itopi.

Génesis 31:25

piyapinënpitarë chachin Carata motopiroꞌsaquë Cacopo nincantopi. Ina motopiroꞌsaquë inantaꞌ, huëntonënë chachin chinotopi. Napanonta ina motopiroꞌsaquë chinotaponahuëꞌ, co niquënanyátërapihuëꞌ.

Génesis 31:27

Nonpintatonco, co shaꞌhuitaponcorahuëꞌ taꞌaiaran. ¡Co naporëhuëꞌ! Yaꞌhuëranquë yapaantaranso shaꞌhuitëranco naporini, noya ninontatëhua capa cancanchitërihuahuëꞌ. Pita nicatëhuaꞌ: Tonton, arpa, inapita piꞌnipiquë ninonchitërihuahuëꞌ.

Génesis 31:36

Co quënanpachinahuëꞌ, Cacopo yaꞌhuërëꞌ noꞌhuitaton Napano chiníquën nontërin. —¿Maquëta tëhuëtëranquën niꞌnan? ¿Maꞌta onpoato oshahuanahuë niꞌton, co napion cancantaton imaquirancosoꞌ?

Génesis 34:29

Pëiroꞌsaquë maꞌsha yaꞌhuërinsopitantaꞌ, yaꞌipi ihuatopi. Naporahuaton yaꞌipi huaꞌhuaroꞌsaꞌ, sanapiꞌsaꞌ, inapitanta masahuatona quëpapi.

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

Juan 18:35

—“Cotio piyapi inantaꞌ,” ¿topiranhuëꞌ ti? Casoꞌ nishaco. Cotioroꞌsaꞌ shaꞌhuirapirinënquën. Corto huaꞌanoꞌsa chachin yoꞌquirinën anaꞌintaꞌhuanquënso marëꞌ. ¿Maꞌtaꞌ onporan niꞌton, yatëparinënquën? itërin.

1 Samuel 17:29

—¡Co caso manta onporahuëꞌ! Yonquirëso shaꞌhuihuatëra, co maꞌshahuëꞌ. ¡Naporahuëso marëꞌ co noꞌhuitonco atapanancoso yaꞌhuërinhuëꞌ! itërin Tapiri.