Génesis 31:25 - Chayahuita (Shahui)

²⁵ piyapinënpitarë chachin Carata motopiroꞌsaquë Cacopo nincantopi. Ina motopiroꞌsaquë inantaꞌ, huëntonënë chachin chinotopi. Napanonta ina motopiroꞌsaquë chinotaponahuëꞌ, co niquënanyátërapihuëꞌ.

Génesis 31:25 ပူးပေါင်းရင်းမြစ်များ

Génesis 12:8

Ina quëran motopiroꞌsa parti paꞌpi. Ina motopiroꞌsasoꞌ, Pitiri ninano quëran, piꞌi pipirinso parti quëparitërin. Inaquë nëꞌmëtë pëiroꞌsa otënpi yaꞌhuëcaiso marëꞌ. Pitiri ninanosoꞌ, piꞌi yaꞌconinso parti acorahuatonaꞌ, Ai ninanontaꞌ, piꞌi pipirinso parti acopi. Ina huancánachin yaꞌhuëipi. Inaquë naquëranchin Apran Sinioro chinotacaso marëꞌ aꞌna yaꞌhuërëꞌ artaro niantarin.

Génesis 31:26

Cacopo quënanahuaton, chiníquën nontërin: —¡Paꞌpi co noyahuëꞌ ninan! ¡Co nonpinchitoncohuëꞌ pora! Ahuëtahuatë sanapiꞌsa manëso pochin huiꞌnahuëpita quëshiaranco.

Génesis 33:18

Inaquë huaꞌquimiachin yaꞌhuërin. Ina quëran Cacoposoꞌ, yaꞌipi huëntonënë chachin Siquimo ninano notënanquë paꞌnin. Inaquë nëꞌmëtë pëiroꞌsa otëantarin. Inapoaton Patan-aran quëran huëꞌninsoꞌ, Canaan noꞌpaquë noya canquirin.

Hebreos 11:9

Aquë paaton, Canaan parti canconin. Inaquë yaꞌhuaponahuëꞌ, nëꞌmëtëꞌ pëiquëráchin yaꞌhuërin. Paꞌsápaton, co yaꞌhuëmiatërinhuëꞌ. Isaco, Cacopo, inapitantaꞌ nëꞌmëtëꞌ pëiroꞌsaquë yaꞌhuëpi. Yosëri nani shaꞌhuitërin. “Iso noꞌpa chachin quëchinquëmaꞌ,” itopirinhuëꞌ, co huaꞌanënchátërapihuëꞌ. “Co Yosë nonpintarinpoahuëꞌ. Aꞌna tahuëri ina nohuanton, huaꞌanëntarihuaꞌ,” taꞌtonaꞌ, Yosë natëpi.