Génesis 31:21 - Chayahuita (Shahui)

²¹ Yaꞌipi maꞌshanënpitarë chachin Cacoposoꞌ, taꞌarin. Co huaꞌquiya quëranhuëꞌ, Iopiratisiiquë pëntoitahuatonaꞌ, Carata motopiroꞌsa parti, notëëtërin.

Génesis 31:21 ပူးပေါင်းရင်းမြစ်များ

Génesis 15:18

Naporo tahuëri chachin, Sinioro Apranë anoyatërin. Anoyataton itapon: —Shiparinpita iso noꞌpaꞌ quëtarahuë: Iquipito iꞌ quëran huarëꞌ Iopiratisiiꞌ pancaiꞌpaꞌ, huaꞌanëntopiso naniarin.

Génesis 2:14

Aꞌnantaꞌ, Tiquirisiiꞌ itopi. Inasoꞌ, Asiria ninano piꞌi yaꞌconinso parti quëran acorin. Yaꞌnatomarinsoso nipirinhuëꞌ, Iopiratisiiꞌ itopi.

Génesis 31:20

Inapoaton Cacopori, Napano nonpintahuaton, co shaꞌhuitaponahuëꞌ huëshirin.

Génesis 31:22

Cara tahuëri quëran Napanosoꞌ, Cacopo taꞌarinsoꞌ nitotërin.

Génesis 31:23

Ina nitotaton, quëmopinënpitarë chachin, imaquirin. Canchisë tahuëri quëran, Carata motopiroꞌsa parti canquipi. Napoaponahuëꞌ, naporo tashi Yosëri huëꞌënquë yaꞌnotaton itapon: “Natanquë Napano shaꞌhuichinquën. Niꞌquëna Cacopo noꞌhuiton maꞌsha onpototan. Tananpitëquë paꞌin,” itërin. Tahuërianpitahuaton Napanosoꞌ,

Génesis 37:25

Inapotahuatonaꞌ, coshatapi huachi. Coshatasoi niꞌpirinahuëꞌ, aꞌna huëntonaꞌ Ismairo nicatonoꞌsaꞌ, nioshirin huëꞌsapi. Carata parti quëran huëꞌsapi. Camiyonënaquë, pimo huaꞌsairoꞌsaꞌ, parsamo nimirio, pimo yaquiꞌ, inapita quësapi. Iquipitoquë paꞌanaponaꞌ, quëparapi.

Génesis 46:28

Coꞌhuara Cosin parti camayátërasoihuëꞌ, Cacoposoꞌ Cota camairin: “Cosi shaꞌhuitëquë huëꞌin, Cosin parti nacapiꞌinco,” itërin. Inaquë Cota paasoꞌ, Cacoposo yaꞌipi huëntonënë chachin Cosinquë camapi huachi.

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

Números 24:1

“Sinioroso nipirinhuëꞌ, israiroꞌsa noya yaꞌhuëcaiso marëꞌ shaꞌhuitaꞌhuasoráchin nohuantërin,” tënin Paramo yonquiaton. Napoaton co huachi iꞌhua pochin nininhuëꞌ. Iꞌhuasoꞌ, Siniorori maꞌsona anitotacaso marëꞌ amasha paꞌnin. Iporasoꞌ co paꞌninhuëꞌ. Ina quëranchin inotëro parti notëtërin.