Génesis 31:13 - Chayahuita (Shahui)

¹³ Ca mini Yosëco, iráca Pitiriquë yaꞌnotëranquën. Inaquë naꞌpi tomaquë opotahuaton, chinotaancoso marëꞌ acoran. Naporahuaton inaquë chachin casáchin chinotaancoso marëꞌ shaꞌhuitëranco. ¡Manóton huëquë paꞌa! Iso noꞌpa quëran pipirahuaton, huaꞌhuatëranso noꞌpa parti panantaquëꞌ,” itërinco, tënin Cacopo.

Génesis 31:13 ပူးပေါင်းရင်းမြစ်များ

Génesis 31:11

Naporo chachin Yosë anquëninën përarinco: “¡Cacopo!” itërinco. Itohuachincora: “Isëquë nisarahuë,” itërahuë.

Génesis 31:14

Ina topachina, Naquira, Nia, inapitari itapon: —Quiyanta mini tata chiminpachin, co huachi maꞌsha tëranta macaꞌhuaiso yaꞌhuërinhuëꞌ.

Génesis 31:3

Naporoꞌ Siniorori Cacopo itapon: “Tataparin, quëmopinënpita, inapita yaꞌhuërinso parti panantaquëꞌ. Carinquën caꞌtanatënquën catahuaranquën,” itërin.

Génesis 32:9

Ina quëran iin tëꞌhuataton, iso pochin Yosë nontërin: “Sinioro, quëmaso Yosënquën. Tata masho Apraan chinotërinquën. Tata Isaconta chinotërinquën. Quëma shaꞌhuitëranco niꞌton, yaꞌhuërahuëquë huëꞌsarahuë. Quëmopinëhuëpita yaꞌhuërinquë huëꞌsarahuë. Naporahuaton: ‘Ca nohuanton noya paꞌsaran,’ itëranco.

Génesis 35:1

Naporoꞌ Yosëri Cacopo huëꞌënquë yaꞌnotaton, camairin: “Caso Yosëco. Iráca iya masho Isao taꞌananpisën yaꞌnotëranquën. Pitiriquë paantaton, inaquë yaꞌhuëconquëꞌ. Inaquë canconpatan, chinotaancoso marëꞌ aꞌnara artaro niquëꞌ,” itërin.

Génesis 35:7

Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.