Génesis 31:10 - Chayahuita (Shahui)

¹⁰ Aꞌna tahuëri pëꞌtahuaroꞌsa huënaitasoꞌ, huaꞌnarahuë. Chipo mashoroꞌsari, chipo sanapiꞌsa toꞌquësapi huaꞌnarahuë. Toꞌquëtonaꞌpiroꞌsasoꞌ, aꞌnaquënso huiꞌtonpiroꞌsaꞌ, aꞌnaquënso ninshipitonoꞌsaꞌ, aꞌnaquëonta iꞌcoapiroꞌsaꞌ, inapita quënanahuë.

Génesis 31:10 ပူးပေါင်းရင်းမြစ်များ

Génesis 20:6

Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Génesis 28:12

Naporo tashi huëꞌëton, huaꞌnarin: Aꞌnara nanpënan noꞌpaquë paquërahuaton, Yosë yaꞌhuërinquë huarëꞌ nincanin niꞌnin. Ina nanpënanquë chachin, pancatë niꞌton, Yosë anquëninënpita aꞌnaquën pantarapi, aꞌnaquënso oꞌmarapi.

Génesis 31:11

Naporo chachin Yosë anquëninën përarinco: “¡Cacopo!” itërinco. Itohuachincora: “Isëquë nisarahuë,” itërahuë.

Génesis 31:12

Naporoꞌ anquëni itërinco: “Noya niꞌquëꞌ, yaꞌipi chipo mashoroꞌsaꞌ, chipo sanapiꞌsa toꞌquëpisopita, huiꞌtonpiroꞌsaꞌ, ninshipitonoꞌsaꞌ, iꞌcoapiroꞌsaꞌ, inapitaráchin toꞌquërapi. Napano nonpintërinquënso nitotato, niꞌnanso chachin aꞌninquënta nicacaso marëꞌ catahuaranquën.

Génesis 31:9

Yosë nohuanton ina pochin tata pëꞌtahuanënpita huaꞌhuatopi. Canpoanquën nicacaso marëꞌ napopi.

Génesis 37:5

Aꞌna tashi Cosi huaꞌnarin. Tahuëririnquë, iinpita shaꞌhuitërin: —Natanco iyaroꞌsa huaꞌnarahuëso shaꞌhuichinquëmaꞌ: Huëꞌëhuëquë, iminquë yaꞌipinpoa trico masarëhuaꞌ. Manëhuasonta tonporarëhua niꞌnahuë. Aꞌnanaya ca tonporahuësosoꞌ, huanirin. Canpita tonporamasoso nipirinhuëꞌ, ca tonporahuësoꞌ mosharapi. Yaꞌipi tahuitatonaꞌ, monshopi quëran mosharapi, itërin. Ina natanahuatonaꞌ, iinpitariso aquë aquëtë noꞌhuipi.

1 Reyes 3:5

Naporo tashi chachin Siniorori huëꞌënquë yaꞌnotahuaton itapon: “Maꞌsona nohuantëransoꞌ natanco acochinquën,” itërin.

Deuteronomio 13:1

Naquëranchin Moisësëri israiroꞌsa nontaantarin: “Aꞌna tahuëri pënëntonaꞌpihuë nipon, maꞌsona tapon huaꞌnapiso shaꞌhuinaꞌpihuë nipon, yaꞌnotaponquëmaꞌ. Yaꞌnotatënquëmaꞌ: ‘Caso maꞌsha sacai nininsoꞌ nicacasoꞌ, nanitaparahuë,’ itatënquëma shaꞌhuitarinquëma maꞌsona nicacasoꞌ.