Génesis 30:27 - Chayahuita (Shahui)

²⁷ Napotopirinhuëꞌ, Napanorisoꞌ itapon: —Ama napoquësohuë api. Quëma yacaparanco niꞌton, Sinioro catahuarinco. Aniꞌtato, ina nitotërahuë. Napoaton quëparitëquë tënahuë.

Génesis 30:27 ပူးပေါင်းရင်းမြစ်များ

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 30:30

Coꞌhuara huëꞌshátërapohuëꞌ, caraíchin yaꞌhuëtërinquën. Iporaso nipirinhuëꞌ, paꞌpi notohuaroꞌ naꞌamiatërin. Huëꞌnahuë quëran huarëꞌ Sinioro catahuarinquën. Iporaso huachi cantaꞌ, caora marëꞌ sacataꞌhuasoꞌ nanirin huachi, itërin.

Génesis 33:15

—Noyapaꞌ. Naporan niꞌquëhuarëꞌ, quëchitotaꞌi nipachin. Nipirinhuëꞌ caꞌtainquënso marëꞌ caraya piyapinëhuëpita pachi, itërin. Itopirinhuëꞌ, Cacoposo taantarin: —Ama iya napoquësohuëꞌ. Noya quiyaora paꞌsarai, itërin.

Génesis 34:11

Siquimonta huanirahuaton, nonsarin huachi: —Tata napotërinquëmasoꞌ, nohuantoco taꞌa. Onposoꞌ natanpatamaco quëtaranquëmaꞌ.

Génesis 47:25

Napotohuachina, inapitaso taantapi: —Noyapaꞌ. Inapochin nisarai. Quëmaso noya piyapinquën niꞌton, tana tëpaincoiso nipirinhuëꞌ, nichaꞌërancoi. ¡Huaraon nipachin piyapichincoi! itopi.

2 Samuel 6:11

Tapi camaitohuachina, piyapinënpitaso ina inachachin nipi. Cara yoqui Opito-itomo pëinënquë Sinioro caposonën yaꞌhuërin. Inaquë yaꞌhuëhuachina, Siniorori saꞌin, huiꞌninpita, inapita catahuamiatërin.

Nehemías 1:11

Onpopionta Sinioro nontëranquënsoꞌ natanco. Aꞌnapita piyapinënpitantaꞌ, nontarinënsoꞌ natanquëꞌ. Quiyasoꞌ paꞌyataꞌhuainquënsoráchin cancantarai. Copirno yanontërahuë. Nontohuato, quëma nohuanton noya natanatonco catahuainco,” itërahuë.

Salmos 1:3

Inapohuatëhuaꞌ, iꞌshana yonsanquë sharoꞌsa shaꞌpinan pochin nicarihuaꞌ. Inasoꞌ, monoquën quëran huarëꞌ noya noyataton, tahuërinën nanihuachin nitërin huachi. Ina pochin nipatëhuasoꞌ, yaꞌipi ninëhuasopita noya pipitarinpoaꞌ.

Éxodo 3:21

Naporahuaton, ca nohuanton, paꞌyanënaquë nani maꞌsha topinan quëtaponënquëmaꞌ. Co topinan chachin pipiapomahuëꞌ.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Isaías 61:9

Inahua quëran pipipisopitasoꞌ, nisha nisha nacionquë nahuinaponaꞌ. Yaꞌipi niꞌpisopitari: ‘Tëhuënchachin isopitasoꞌ Siniorori catahuarin,’ taponaꞌ,” tënin.

Daniel 1:9

Yosë nohuanton huaꞌaniso Naniri noya nicaponahuëꞌ: —Nani copirno camaitërin maꞌsona canpita capacamasoꞌ. Maꞌsona oꞌocamasontaꞌ, nani camaitërin. Canpitaso nisha capatoma co aꞌnapita huiꞌnapiꞌsa pochin copirno niꞌpachinquëmahuëꞌ, canpita naꞌin quëran inaso atëpataponco. Ina tëꞌhuatato napoarahuë taꞌa, itërin.

Números 11:11

Napoaton Yosë nontaton itapon: —Caso quëma piyapinënco niꞌto, ama aquëtë aparisitocosohuëꞌ. ¡Ama huachi aquëtë israiroꞌsa huaꞌanën pochin nicaꞌhuaso marëꞌ quëtocosohuëꞌ! Ina pochin acoatonco, aparisitaranco.

Números 11:15

Inachachin nisápahuasoꞌ nohuantohuatan, acopitochanco nipachin. Ina noya noya. Noya niꞌpatancosoꞌ inapotoco. Chimipatosoꞌ, co huachi poꞌpin parisitapohuëꞌ, tënahuë, itërin.

Hechos 7:10

Parisitopirinhuëꞌ, nichaꞌërin. Ina nohuanton, Iquipito copirnori noya niꞌnin. “Cosi noya quëmapi. Noya yonquirin,” taꞌton, chiníquën nanan quëtërin. Yaꞌipi copirno maꞌshanënpita aꞌpairin. Yaꞌipi Iquipito piyapiꞌsaꞌ camairin.

Rota naporinso' 2:13

Napotohuachina, Rotariso itapon: —Quëmaso noyasha nontëranco. Ina pochin nontatonco achinicancananco. Caso co piyapinënpita sanapiꞌsa pochin tëranta nipirahuëꞌ, noyasha nontëranco, itërin.

1 Samuel 16:22

Ina piquëran Saonosoꞌ, aꞌnara piyapinën aꞌparin Quisi nontacaso marëꞌ: “Tapi nóya niꞌnahuë niꞌton, carë sacachin topirahuë, tënin Saono,” itërin.