Génesis 30:2 - Chayahuita (Shahui)

² Cacoporiso nipirinhuëꞌ, noꞌhuiton itapon: —¡Co caso Yosëcohuëꞌ! Ina co nohuantërinhuë niꞌton, co huaꞌhuananhuëꞌ, itërin.

Génesis 30:2 ပူးပေါင်းရင်းမြစ်များ

Génesis 16:2

Aꞌna tahuëri Saraisoꞌ, soꞌin itapon: —Niꞌquëchi, Sinioro co nohuantërinhuë niꞌton, co huaꞌhuanahuëꞌ. Napoaponahuëꞌ, cosonanëhuë acoanchinquën topirahuë. Tapona inasoꞌ, huaꞌhuanaꞌpi nisápirinhuëꞌ. Huaꞌhuanpachin cari masarahuë huaꞌhuahuë pochachin nicacaso marëꞌ, itërin. Napotohuachina, Apranta nohuantërin.

Génesis 20:18

Siniorori nani Apimirico yaꞌhuërinquë, sanapiꞌsa anaꞌintopirinhuëꞌ. Ama huaꞌhuanacaiso marëhuëꞌ, Sara naꞌin quëran napotopirinhuëꞌ. Napoaton Apraani Yosë nontërin inari anoyatacaso marëꞌ. Napohuachina, Yosëri Apimirico saꞌin, piyapinënpita saꞌinaꞌ, inapita anoyatërin. Huaꞌhuasha yaꞌhuëtaantacaiso marëꞌ anoyatërin.

Génesis 25:21

Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

Génesis 29:31

Cacoposoꞌ, Nia co onpopinchin nosororinhuëꞌ. Ina nitotaton, Siniorori catahuarin huaꞌhuanacaso marëꞌ. Naquiraso nipirinhuëꞌ, ina nohuanton chachin, co nito huaꞌhuaninhuëꞌ.

Génesis 31:36

Co quënanpachinahuëꞌ, Cacopo yaꞌhuërëꞌ noꞌhuitaton Napano chiníquën nontërin. —¿Maquëta tëhuëtëranquën niꞌnan? ¿Maꞌta onpoato oshahuanahuë niꞌton, co napion cancantaton imaquirancosoꞌ?

Génesis 50:19

Napotopirinahuëꞌ, Cosiriso itapon: —Ama iyaroꞌsa paꞌyancosohuëꞌ. Caso piyapico niꞌto, co nanitërahuëꞌ Yosë yaꞌhuërënamën pochin nicaꞌhuasoꞌ.

2 Reyes 5:7

Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

Salmos 127:3

Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

Éxodo 32:19

Nani yaꞌcaritohuachina, toroaꞌhua nonanpisoꞌ, nansapisoꞌ, inapita niꞌquimarin. Paꞌpi noꞌhuitaton, naꞌpitëaꞌhuaroꞌsa motopi nanimarinꞌpaꞌ tëꞌyatahuaton, paꞌpaarin huachi.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Lucas 1:42

paꞌyataton, chiníquën itapon: —Iꞌhuata huaꞌhuataꞌhua. ¡Ma noya Yosë catahuarinquën! Aꞌnapita sanapiꞌsa quëran noya noya niꞌninquën. Huaꞌhuaontaꞌ noya noya niꞌsarin.

Efesios 4:26

Aꞌna piyapi noꞌhuihuatamaꞌ, niꞌcona oshahuantamaꞌ. Coꞌhuara piꞌi yaꞌcoyantërasohuëꞌ, nanan anoyatocoꞌ.

1 Samuel 1:5

Anaso nipirinhuëꞌ, panca panca quëtërin. Sinioro nohuanton co huaꞌhuanaꞌpihuë nipirinhuëꞌ, nosororin. Nosoroaton yánapotërin.