Génesis 30:14 - Chayahuita (Shahui)

¹⁴ Trico macacaso tahuëriꞌsaꞌ, Nopino paꞌsahuaton, mantracora huayo itopisoꞌ quënanconin. Ina masahuaton, aꞌshin quëshimarin. Ina quënapataton Naquirari itapon: —Huaꞌhuan mantracora huayo quëshirinquënsoꞌ, quëtoco canta topirahuë, itërin.

Génesis 30:14 ပူးပေါင်းရင်းမြစ်များ

Génesis 25:30

Cacopo aꞌitërinso niꞌsahuaton itapon: —Nosoroco iya, tana yatëparinco casoꞌ. Quëhuashin cosharo anpiransoꞌ, canta quëtoco caꞌi, itërin.

Génesis 30:15

Napotopirinhuëꞌ, Niari itapon: —Ayon caira. ¡Ama napopitëraquësohuëꞌ! ¡Soꞌyahuë nani osërëtëranco! Huaꞌhuahuë yaꞌhuërëꞌ mantracora huayo quëshirincosontaꞌ ¿yaosërëtaantamaranco ti? itërin. —Ina quëtohuatanco, ipora tashi Cacopo quëmarëꞌ huëꞌëpon, itërin Naquirari.

Génesis 30:16

Tashi huarëꞌ Cacopo pasto quëran huënantahuachina, Niari nacapirahuaton: —Huaꞌhuahuë mantracora huayo quëshirincosoꞌ, nani Naquira quëtërahuë. Quëmaroꞌco ipora tashi huëꞌëcaꞌhuaso marëꞌ inaquë pahuërëtërahuë, itërin. Napotohuachina, naporo tashi Niasoꞌ, Cacopo huëꞌëparin.