Génesis 30:1 - Chayahuita (Shahui)

¹ Naquira co nito huaꞌhuanatonhuëꞌ, cainpain noyaparin. Napoaton soꞌin itapon: —Huaꞌhuantoco cantaꞌ. Coꞌsoꞌ huaꞌhuantohuatancohuëꞌ, chiminarahuë, itërin.

Génesis 30:1 ပူးပေါင်းရင်းမြစ်များ

Génesis 29:31

Cacoposoꞌ, Nia co onpopinchin nosororinhuëꞌ. Ina nitotaton, Siniorori catahuarin huaꞌhuanacaso marëꞌ. Naquiraso nipirinhuëꞌ, ina nohuanton chachin, co nito huaꞌhuaninhuëꞌ.

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

1 Reyes 19:4

Ina quëran inasoꞌ, inotëro parti paaton, aꞌna tahuëriraꞌ iratërin. Napoin quëran nitama nara tashinantërinquë huënsëconin. Inaquë co napion cancantárin. Yachiminaton: “¡Co huachi Sinioro ahuantërahuëꞌ! ¡Cantaꞌ, shimashonëhuëpita pochachin naponahuë niꞌton, acopitochanco!” itërin.

Copo naporinso' 3:11

¡Yoꞌnanquë chachin chiminahuë naporini, noya niitonhuëꞌ! ¡Mamahuë huaisonco chachin chiminahuë naporini, noya noya niitohuëꞌ!

Copo naporinso' 5:2

Co yonquinahuanhuëꞌ nipatëra, noꞌhuitomiatërëꞌ. Inapohuatëra chimirin yonitë pochin ninëꞌ.

Números 11:15

Inachachin nisápahuasoꞌ nohuantohuatan, acopitochanco nipachin. Ina noya noya. Noya niꞌpatancosoꞌ inapotoco. Chimipatosoꞌ, co huachi poꞌpin parisitapohuëꞌ, tënahuë, itërin.

Números 11:29

Inari napotohuachina, Moisësëso naporin: —¡Ama aꞌpitocosohuëꞌ! Inapitanta pënënchinaꞌ. Yaꞌipi israiroꞌsa Siniorori, ispiritonën ayaꞌcoancantërin niꞌton, ina yonquirinso shaꞌhuirapi naporini, noya noya niitonhuëꞌ.

Juan 4:3

Ina nitotaton, Quisoso paꞌnin. Cotia parti quëran pipirahuaton, Cariria parti paantarin.

1 Corintios 3:3

Co noyahuëꞌ yonquiramasopita co nanianchátëraramahuëꞌ. Canpita capini ninoyapatomaꞌ, ninoꞌhuiramaꞌ. ¿Onpoatontaꞌ canpitaora nohuantëramasoachin yonquiconamaꞌ? Nisha nisha yonquiatomaꞌ, co imapisopitahuë pochin cancantëramaꞌ.

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.

1 Samuel 1:10

Inaquë nipachina naꞌnërin. Parisitërinso marëꞌ co napion cancantaton naꞌnërin. Naꞌnëton Sinioro nontërin.