Génesis 3:23 - Chayahuita (Shahui)

²³ Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

Génesis 3:23 ပူးပေါင်းရင်းမြစ်များ

Génesis 2:5

co sharoꞌsa yaꞌhuëyátërarinhuëꞌ. Co panpatoronta papoyátërarinhuëꞌ. Co oꞌnan tëranta acoyátërarinhuëꞌ. Naporahuaton co insonta isoroꞌpaquë shaꞌtacaso marëꞌ yaꞌhuëyátërarinhuëꞌ.

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Génesis 2:8

Ina piquëran, Sinioroso noyápiachin nararo Itin itopiquë acorin. Inaso noꞌpaꞌ, Cortaniiꞌ quëran piꞌi pipirinso parti quëparitërin. Inaquë yaꞌhuëcaso marëꞌ quëmapi nininso acorin.

Génesis 3:19

Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

Génesis 3:22

Naporo chachin tënin: “Iporasoꞌ, piyapi canpoa pochachin nitotërin. Noya nininso nitotahuaton, co noyahuëꞌ nininsonta nitotërin. Niꞌquëna nanpirin nara nitërinsonta caꞌpachin. Napohuachinsoꞌ, nanpimiatarin,” tënin.

Génesis 3:24

Piyapi ocoirahuaton, piꞌi pipirin parti quëran aꞌpaito anquëniroꞌsa acorin. Inapitasoꞌ, quiropinoꞌsa itopi. Noyápiachin nararo aꞌpaicaiso marëꞌ acorin. Ina yaꞌcarintaꞌ, sahuëni orotaton huënin huënintárin acorin. Ama incari tëranta nanpirin nara yaꞌcaricaso marëhuëꞌ, aꞌpairapi.

Génesis 4:12

Iminaton, shaꞌtopiranhuë tërantaꞌ, co huachi noyatarinhuëꞌ. Co huachi yaꞌhuëmia yaꞌhuaponhuëꞌ, patë patë́rantapon. Co huachi sano cancantaranhuëꞌ, itërin.

Génesis 4:2

Ina quëran huaꞌhuaantarin. Quëmapi chachin huaiaantahuachina, Apiri itërin. Huiꞌnapitohuachinara, Apiriso ohuicaroꞌsa pëꞌtahuarin. Cainoso nipirinhuëꞌ, imin camayo.

Génesis 9:20

Ina piquëran Noi iminaton, inaquë opasáchin shacaton, oparotërin.