Génesis 3:22 - Chayahuita (Shahui)

²² Naporo chachin tënin: “Iporasoꞌ, piyapi canpoa pochachin nitotërin. Noya nininso nitotahuaton, co noyahuëꞌ nininsonta nitotërin. Niꞌquëna nanpirin nara nitërinsonta caꞌpachin. Napohuachinsoꞌ, nanpimiatarin,” tënin.

Génesis 3:22 ပူးပေါင်းရင်းမြစ်များ

Génesis 1:26

Naporo tahuëri chachin tapon: “¡Iporaso huachi piyapi niahuaꞌ! Inaso canpoa pochachin nisarin. Chiníquën nanantaton, samiroꞌsaꞌ, anpiantëhuanoꞌsaꞌ, inapita huaꞌanëntarin. Maꞌsharoꞌsa pëꞌtahuacaiso nipisopita, tananquë yaꞌhuëcaiso nipisopita, niohuaratërinsopita, yaꞌipi inapitanta huaꞌanëntarin,” tënin.

Génesis 2:9

Naporahuaton, nisha nisha noyápiachin cashinoꞌsa apapotërin. Yashi yashin caꞌchináchin nitërinsopita apapotërin. Nararo huancánachin nanpirin nara apapotërin. Inaquë chachin aꞌnantaꞌ, apapotërin. Anitotacaso nara itopisoꞌ. Ina caꞌpachinaꞌ, noya nininsopita nitotaponahuëꞌ, co noyahuëꞌ nininsopitanta nitotapi huachi.

Génesis 3:21

Quëmapi saꞌinë chachin aꞌmocaiso marëꞌ maꞌsha shaꞌhuëtë quëran Yosëri nitërin. Ina quëtohuachina, aꞌmoanpi huachi.

Génesis 3:23

Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

Salmos 22:26

Aꞌnaquëmantaꞌ, aꞌnapita aparisitápirinënquëmahuëꞌ, noyá natëaquë huarëꞌ coshatoco huachi. Sinioro yoniramasopita huaꞌqui tahuëri nicatomaꞌ, ina chinotocoꞌ.

Proverbios 3:18

Yonquínahuan nipatëhuaꞌ, nanpirin nara caꞌnëso pochin ninëhuaꞌ. Yonquínahuan ninëhuaso coꞌsoꞌ aꞌpohuatëhuahuëꞌ, tëhuënchachin capa cancantarihuaꞌ.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.

Apocalipsis 22:2

Ninano huáncana iiꞌ paꞌsarin. Cato yonsan quëran chachin nara papotërin. Nanpirin nara itopisoꞌ. Nani yoqui nitarin. Shonca catoroꞌ nitasoꞌ, piꞌipi naniarin. Monoquëontaꞌ yaꞌipi piyapiꞌsa noya yaꞌhuëcaiso marëꞌ yaꞌhuërin. Co huachi canioponahuëꞌ.