Génesis 3:19 - Chayahuita (Shahui)

¹⁹ Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

Génesis 3:19 ပူးပေါင်းရင်းမြစ်များ

Génesis 18:27

Apraaniso nipirinhuëꞌ, naquëranchin nontaantarin: —Quëmaso Yosënquën, caso topinan piyapico niporahuëꞌ, naquëranchin nontaantaꞌinquën. Ama ina marëꞌ noꞌhuicosohuëꞌ.

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Génesis 23:4

—Caso co yaꞌhuëhuancohuëꞌ niporahuëꞌ, yacaparanquëmaꞌ. Saꞌahuë chiminin niꞌton, chiminpatamara nipoꞌmoramasoꞌ noꞌpaꞌ paꞌantoco canta topirahuë, itërin.

Génesis 3:18

Naporahuaton, nahuanoꞌsaꞌ, shihuarinoꞌsaꞌ, inapita naꞌcon naꞌcon papotapon huachi. Nisha nisha canomëroꞌsaꞌ, nararayaroꞌsaꞌ, inapita yoniton, capon.

Génesis 5:5

Yaꞌipiya quëran Atansoꞌ, iscon pasa cara shonca piꞌi icanin. Ina quëran chiminin huachi.

Copo naporinso' 1:21

—Ipora huaꞌhuatapo, co manta yaꞌhuëtërincohuëꞌ. Chiminpatontaꞌ, co manta quëpapohuëꞌ. Sinioro nohuanton maꞌsha yaꞌhuëtopirincohuëꞌ, ina nohuanton capa niantarin. ¡Ma noyacha Sinioroso paya! tënin.

Copo naporinso' 4:19

Aquëtë huarëꞌ piyapiꞌsasoꞌ, co manta chinipihuëꞌ. Noꞌpapi pëi amocanquë pëipiso pochin niconpi. Noꞌson pochin shiꞌsharichináchin niconpi.

Salmos 103:14

Canpoasoꞌ, amocan quëran nininpoa niꞌton, co chinirëhuasohuëꞌ, nitotërin. Napoaton nosororinpoaꞌ.

Salmos 104:23

Naporoꞌ piyapiꞌsa yaꞌhuërëꞌ, sacatapona paꞌpi. Sacatochinaichin niiꞌhuapi.

Salmos 104:29

Apiratohuatana, paꞌpi paꞌyanpi. Niinëna matohuatana, chiminapi. Inapoatonaꞌ, amocan taraantapi.

Salmos 127:2

Aꞌnaquën tashirë chachin sacatopi. Naporahuatona chiníquën sacatai huarëꞌ coshatopi. Napoaponaraihuëꞌ, co sano cancantopihuëꞌ. Yosë nosororëhuasopitasoꞌ, tashi noya huëꞌëpirëhuahuëꞌ, ina nohuanton noya cosharo yaꞌhuëtërinpoaꞌ.

Salmos 22:15

Sënan aꞌpëhuatëra yanirin. Ina pochachin cantaꞌ, yanirahuëso pochin nicato co huachi chinirahuëꞌ. Paꞌpi yamoroto yaniconopirarahuë ninatanahuë. Chiminpatëra, amocan taranëꞌ. Inapochinachin canta nisarahuë.

Salmos 90:3

Nanpirapiraihuëꞌ, camaitaton: “Piyapinquëmaꞌ, amocan taraantacoꞌ,” tënan. Topatana, chiminatoi amocan taranai.

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Eclesiastés 3:20

Yaꞌipi inaquëráchin paꞌsarëhuaꞌ. Amocan quëran yaꞌipi ninin. Naporahuaton amocan chachin yaꞌipi niantacaiso yaꞌhuërin.

1 Corintios 15:47

Atansoꞌ noꞌpa quëran ninin isoroꞌpaquë nanpicaso marëꞌ. Quisocristoso nipirinhuëꞌ Yosë yaꞌhuërin quëran oꞌmarin niꞌton, noya noya ninin.

Efesios 4:28

Aꞌnaquëmaꞌ iráca ihuatëramaꞌ. Ama huachi ihuatocosohuëꞌ. Ama chirotomarahuëꞌ, noya sacatocoꞌ. Ina quëran nanitëramaꞌ pahuantërinsopita quëtacamasoꞌ.

1 Tesalonicenses 2:9

Canpitataquë yaꞌhuasocoi, chiníquën sacatatoi, aꞌchintërainquëmaꞌ. Tahuërirë chachin tashirë chachin sacatërai ama topinan maꞌsha maꞌpacaꞌhuainquëmaso marëhuëꞌ. Quiyaora sacatonëhuëi quëran coshatërai. Naporahuatoi, Yosë nanamën aꞌchintërainquëmaꞌ. Co ina naniantëramahuëꞌ, tënahuë.

2 Tesalonicenses 3:10

Canpitataquë yaꞌhuasocoi, pënënainquëmaꞌ. “Insosona co yasacatohuachinhuëꞌ, ama coshachinsohuëꞌ,” itërainquëmaꞌ.

Hebreos 9:27

Yosë nohuanton, yaꞌipi piyapinpoaꞌ aꞌnaroíchin chiminëhuaꞌ. Ina quëran Yosë chachin coisë pochin nicaton, maꞌsona onpotiinpoasoꞌ noꞌtëquën shaꞌhuipon.