Génesis 3:10 - Chayahuita (Shahui)

¹⁰ Natanahuaton, quëmapiso tapon: —Coꞌta oꞌmaransoꞌ natanai. Iꞌnanpirashitëcoi niꞌtoi, tëꞌhuatërainquën. Naporahuaton tapantatëinquën, naꞌpirai, itërin.

Génesis 3:10 ပူးပေါင်းရင်းမြစ်များ

Génesis 2:25

Quëmapiso saꞌinë chachin noya yaꞌhuërapi. Co aꞌmoanaponaraihuëꞌ, co manta tapanpihuëꞌ.

Génesis 3:11

—¡Iꞌyan! ¿Onporahuatomata nitotapanamasoꞌ? Nara aꞌnaíchin nininsoꞌ: “Ama isoso nitërinso caꞌquësohuëꞌ,” itopiranquënhuëꞌ: ¡Nani caꞌnan! itërin.

Génesis 3:7

Naporo chachin nisha yonquipi huachi: “Iꞌnanpirashitë canposo paꞌsárëꞌ,” niitopi. Ninapotatonaꞌ, iquira huëron pipitopi. Inapoatonaꞌ, nipaꞌshianatopi.

Copo naporinso' 31:33

Aꞌnaquënsoꞌ, tëhuëaponaraihuëꞌ: ‘Co tëhuëraihuëꞌ,’ toconpi. Caso nipirinhuëꞌ, tëhuërahuësopita co poꞌorahuëꞌ. Co onporonta poꞌoana quëran co noyahuëꞌ ninahuëꞌ.

Éxodo 20:18

Noninsoꞌ, huiratërinsoꞌ, carniro pomon pihuipisoꞌ, inapita natanahuatonaꞌ, israiroꞌsasoꞌ paꞌpi tëꞌhuatopi. Oꞌcoriꞌ, pën, conaiꞌ, inapitanta quënanatonaꞌ, paꞌpi paꞌyanpi. Paꞌyanatona co nohuantopihuëꞌ yaꞌcaritacaisoꞌ.

Éxodo 20:19

Napoaton Moisësë, itopi: —Ama huachi Yosëso nonchincoisohuëꞌ. Chiminpatoi. Quëmari natanaton shaꞌhuitocoi natëi, itopi.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Éxodo 32:25

Moisësëri niꞌpirinhuëꞌ, israiroꞌsaso noꞌpitonaꞌ, aꞌnaratipita paꞌpi co noyahuëꞌ nisapi. Aaroni atëhuërin niꞌton, inimiconënpitari tëhuayatochináchin nisapi.

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

1 Juan 3:20

Co noyahuëꞌ nipatëhuaꞌ, cancanënpoa quëran nitotatëhuaꞌ, sëtërëhuaꞌ. Co noyahuëꞌ ninëhuasoꞌ Yosëntaꞌ nitotërin. Napoaponahuëꞌ, cancanënpoa quëran huarëꞌ yaimapatëhuaꞌ, inantaꞌ nitotërin. Ina nitotaton, nosororinpoaꞌ. Ina yonquihuatëhuaꞌ, noya cancantatëhuaꞌ, Yosë nontarihuaꞌ.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.