Génesis 29:32 - Chayahuita (Shahui)

³² Niasoꞌ, cayorahuaton quëmapiaꞌhuaya huairin. Inasoꞌ, Nopino itërin. “Sinioro sëtërahuësoꞌ nicaton, catahuarinco. Huaꞌhuanahuë niꞌton, iporasoꞌ soꞌyahuë nosoroaponco huachi,” taꞌton, ina pochin huaꞌhuin nohuitërin.

Génesis 29:32 ပူးပေါင်းရင်းမြစ်များ

Génesis 16:11

Ipora cayoransoꞌ, quëmapiaꞌhuaya huaiyaran. Huaihuatan, Ismairo itëquëꞌ. Co napion ancantaton naꞌnëransoꞌ, Sinioro nataninquën niꞌton, ina nininën acotëquëꞌ.

Génesis 29:31

Cacoposoꞌ, Nia co onpopinchin nosororinhuëꞌ. Ina nitotaton, Siniorori catahuarin huaꞌhuanacaso marëꞌ. Naquiraso nipirinhuëꞌ, ina nohuanton chachin, co nito huaꞌhuaninhuëꞌ.

Génesis 31:42

Apraan chinotërinso catahuarinco. Tata Isacontaꞌ, inachachin chinotërin. Coꞌsoꞌ ina catahuarincohuë naporini, topinamiáchin yaꞌhuërahuëquë aꞌpaꞌitoncohuëꞌ. Yosëso nipirinhuëꞌ, parisitërahuësoꞌ nitotërin. Chiníquën sacatato maꞌsha yaꞌhuëtërincosontaꞌ, nitotërin. Napoaton achin tashi pënëninquën, itërin Cacopori.

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

Génesis 35:23

Niaquëya nipisopitasoꞌ isopita: Paninansoꞌ Nopino, ina quëran, Simion, Nihui, Cota, Isacaro, Saporono, inapita.

Génesis 37:29

Nopinoso Cosi tëꞌyatopiquë huënantahuachina, co huachi iin quënanquintarinhuëꞌ. Paꞌpi paꞌyanaton aꞌmorinso osharin.

Génesis 42:22

Napohuachinara, Nopinori itapon: —Coꞌta carimaꞌ: ¡Ama napotocosohuëꞌ! itopiranquëmahuëꞌ, co natëramacohuëꞌ. Napoaton iporasoꞌ canpoantaꞌ, tëpatonaꞌpi iꞌhuërëtopiso pochin nitarinënpoaꞌ, itërin.

Génesis 42:27

Huëꞌëcaiso nininquë canconpachinara, aꞌnasoꞌ, moranën aꞌcacaso marëꞌ costaronën iꞌshiritërin. Inapotopirinhuëꞌ, trico marëꞌ coriqui pahuërëtërinsoꞌ quënanin. Ina quënanaton, paꞌyanin.

2 Samuel 16:12

Ipora parisitërahuësoꞌ Sinioronta niꞌsarin. Tapona ipora ina noꞌhuirincoso marëꞌ, Sinioro yacatahuápirincohuëꞌ, itërin.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Lucas 1:25

“Ma noyacha Yosë catahuarinco niꞌton, huaꞌhuanarahuë paya. Ina nohuanton, co huachi tapan yaꞌhuëtarincohuëꞌ,” tënin yonquiaton.

Deuteronomio 26:7

Naporoꞌ Sinioro nontëranquën huachi: “Quëmasáchin Yosënquën. Shimashonëhuëipita chinotërinënquën. Nosoroatoncoi catahuacoi,” itërainquën. Napotohuatëinquën, natanancoi huachi. Aparisitërinacoiso niꞌsahuaton, yacatahuarancoi huachi.

1 Samuel 1:11

“Sinioro quëmaso yaꞌipi nanitaparan. Piyapinënco niporahuëꞌ parisitërahuëso nicaton, aꞌnara quëmapiaꞌhua huaꞌhuanaꞌhuasoꞌ, quëtoco. Inapotëranco naporini, carinta ina huaꞌhuahuë quëma marëꞌ acoꞌitohuëꞌ. Ina anitotaꞌhuanquënso marëꞌ co onporonta yaꞌiapihuëꞌ,” itërin.

1 Samuel 1:20

Ina nohuanton cayorin huachi. Tahuëri nanihuachina quëmapiaꞌhuaya huairin. Nininën nohuitaton Samoiro itërin. Sinioro natanaton huaꞌhuaninso marëꞌ ina pochin nohuitërin.