Génesis 29:30 - Chayahuita (Shahui)

³⁰ Nani acoantohuachina, Cacoposoꞌ, Naquira ichihuëꞌërin huachi. Inapoaton ina naꞌcon naꞌcon nosororin. Niaso nipirinhuëꞌ, co onpopinchin nosororinhuëꞌ. Canchisë piꞌipi chachin Napano marëꞌ sacataantacasoꞌ niponahuëꞌ, nosororin.

Génesis 29:30 ပူးပေါင်းရင်းမြစ်များ

Génesis 29:17

Niasoꞌ, noyápiachin yaꞌpirahuanin. Naquiraso nipirinhuëꞌ, noyápiroyanchin, co máquën tëranta tëhuërinhuëꞌ.

Génesis 29:18

Cacoposoꞌ Naquira costaton, apin itapon: —Huiꞌnan huaꞌhua nininsoꞌ, Naquira itëramaso nohuantërahuë. Ina marëꞌ canchisë piꞌipi quëma marëꞌ sacatarahuë, itërin.

Génesis 29:20

Inapoaton Cacoposoꞌ Naquira marëꞌ canchisë piꞌipi sacatërin. Huaꞌqui sacatopirinhuëꞌ, Naquira paꞌpi nosoraoton, cara tahuëriíchin sacatërinso pochin cancantërin.

Génesis 29:29

Napanori, aꞌnara piyapinën sanapi nininsoꞌ camaicaso marëꞌ Naquiranta nicanarin. Ina sanapisoꞌ Pira itopi.

Génesis 29:31

Cacoposoꞌ, Nia co onpopinchin nosororinhuëꞌ. Ina nitotaton, Siniorori catahuarin huaꞌhuanacaso marëꞌ. Naquiraso nipirinhuëꞌ, ina nohuanton chachin, co nito huaꞌhuaninhuëꞌ.

Génesis 31:15

Naporahuaton ipora chachin nisharoꞌsa pochin tata niꞌnincoi huachi. ¡Paꞌanpitërarincoi niꞌton, quiya marëꞌ pahuërëtaton ina nápo sacatëran!

Génesis 31:41

Cato shonca piꞌi quëma marëꞌ sacatato, yaꞌipi inapita ahuantërahuë. Cato huiꞌnanpita marëꞌ shonca catapini piꞌipi sacatërahuë. Pëꞌtahuanënpita marëntaꞌ, saota piꞌi sacatërahuë. Naporahuaton, apira apira pochin nisha nisha canaꞌhuaso shaꞌhuitëranco.

Génesis 44:20

Quiyarinta naporo shaꞌhuitëranquën: “Tatahuëi yaꞌhuëtërincoi, nani máshoya,” itërainquën. Aꞌna iyaꞌhuanta huiꞌnapi yaꞌhuëtërincoisoꞌ, shaꞌhuitërainquën. Inasoꞌ, tatahuëi nani máshoya nisoꞌ huaꞌhuatërin. Naporo chachin shaꞌhuitëranquën tatahuëri naꞌcon nosororinsoꞌ. Ina yoꞌnanquëranchin huaꞌhuatopisopita cato yaꞌhuëpirinahuëꞌ, aꞌnaso ayarin niꞌton, inaíchin quëparitërin. Napoaton nosoromiatërin.

Génesis 44:27

Napotohuatoira, tatahuëi shaꞌhuitërincoi: “Canpita nitotërama saꞌahuëcoꞌ catoíchin huaꞌhuaninsoꞌ.

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Mateo 6:24

Ina quëran itaantarin: “Aꞌna piyapi catoꞌ patron yaꞌhuëtohuachina, nisha nisha camaitopi niꞌton, co nanitërinhuëꞌ cato chachin natëcasoꞌ. Aꞌnasoꞌ nohuantaton, noya natëarin. Aꞌnaso nipirinhuëꞌ co onpopinchin nohuantatonhuëꞌ, co natëarinhuëꞌ. Inapochachin canpitantaꞌ coriquiráchin cancantohuatamaꞌ, co nanitaramahuëꞌ Yosë natëcamasoꞌ,” tënin.

Lucas 14:26

“Yaimapatamaco, ca naꞌcon naꞌcon nosoroco. Tatamaꞌ, mamamaꞌ, inapita co onpopinchin nosorocasoꞌ yaꞌhuërinhuëꞌ. Saꞌamaꞌ, huiꞌnamaꞌ, iyaparimaꞌ, oshiparimaꞌ, inapitantaꞌ co onpopinchin nosorocasoꞌ yaꞌhuërinhuëꞌ. Canpitaora nohuantëramasontaꞌ naniantatomaꞌ, casáchin imaco huachi. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ.

Juan 12:25

Canpitantaꞌ isoroꞌpaquë yaꞌhuërinsopitaráchin yonquihuatamaꞌ, topinan quëran nanpiaramaꞌ. Nipirinhuëꞌ, Yosë naꞌcon naꞌcon yonquihuatamaꞌ, ina nohuitatomaꞌ noya nisaramaꞌ. Canpitaora nohuantëramasoáchin naniantohuatamaꞌ, aꞌna tahuëri inápaquë nanpimiatontaramaꞌ.