Génesis 29:29 - Chayahuita (Shahui)

²⁹ Napanori, aꞌnara piyapinën sanapi nininsoꞌ camaicaso marëꞌ Naquiranta nicanarin. Ina sanapisoꞌ Pira itopi.

Génesis 29:29 ပူးပေါင်းရင်းမြစ်များ

Génesis 29:24

Naporahuaton Napanori, aꞌnara piyapinën sanapi nininso Nia nicanarin. Camaicaso marëꞌ nicanarin. Inaso sanapi Siripa itopi.

Génesis 29:28

Napotohuachina, Cacopo nohuantërin. Nia maninso marëꞌ simana pita imapiso nanihuachinara, Napanori, Naquira yaꞌhuërëꞌ acoantërin.

Génesis 29:30

Nani acoantohuachina, Cacoposoꞌ, Naquira ichihuëꞌërin huachi. Inapoaton ina naꞌcon naꞌcon nosororin. Niaso nipirinhuëꞌ, co onpopinchin nosororinhuëꞌ. Canchisë piꞌipi chachin Napano marëꞌ sacataantacasoꞌ niponahuëꞌ, nosororin.

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

Génesis 35:25

Naquira piyapinën Pira itopisoquënta isopita: Tano, Nipitari, inapita.

Génesis 37:2

Cacopo huiꞌninpita naporinso shaꞌhuichinquëma nitotocoꞌ. Cosi shonca canchisë piꞌipitapon pochin, iinpitarë chachin paꞌpin ohuicanënpita aꞌpairin. Paꞌpin cosonanënpita: Pira, Siripa, inapita huaꞌhuinpitarëꞌ aꞌpairin. Iinpitaso co noyahuëꞌ nipi niꞌton, Cosisoꞌ paꞌpinquë yáshaꞌhuirapirin.

Génesis 46:25

Tano, Nipitari inapitanta Cacopo huiꞌninpita nipi. Inapitasoꞌ, Piraquëya nipisoꞌ. Ina quëran nipisopitasoꞌ, yaꞌipiya quëran canchisë yaꞌpiꞌ, icanpi. Pirantaꞌ, Napanori Naquira catahuacaso marëꞌ nicanarinsoꞌ, nani nitotërëhuaꞌ.