Génesis 29:25 - Chayahuita (Shahui)

²⁵ Tahuëririnquë tashíramiachin Cacoposoꞌ, Nia ichihuëꞌërinso niꞌnin. Niꞌsahuaton, paꞌpi paꞌyantërin. Napoaton Napano chiníquën nontërin: —¡Co napochitoncohuë pora! ¡Coꞌta Naquira marëꞌ nani sacatërahuë! ¡Nani nonpintëranco niꞌsora! itërin.

Génesis 29:25 ပူးပေါင်းရင်းမြစ်များ

Génesis 12:18

Napoaton Apran amataton, itapon: “¿Onpoatonta napotëranco? ¡Iso sanapi saꞌan nipirinhuëꞌ, shaꞌhuichitonco pora!

Génesis 20:9

Ina quëran Apraan amatahuaton, itapon: —¡Maꞌhuantacha nitapirancoihuë paya! ¡Caso co maquë tëranta tëhuëtëranquënhuëꞌ! Quëmaso nipirinhuëꞌ, napotatoncoi panca yaaoshahuanpirancoihuëꞌ. Ca aoshahuanatonco, quëmopinëhuëpita, piyapinëhuëpita, inapita, naꞌinchitonhuëꞌ. ¡Co naporëhuëꞌ!

Génesis 26:10

Napopirinhuëꞌ, Apimiricori itapon: —¡Co napochitoncoihuë pora! Onpichin saꞌan inso yaꞌhuëhuani tërantaꞌ, ichihuëꞌërin. Ina marëꞌ quiyasoꞌ oshahuaintoihuëꞌ, itërin.

Génesis 29:16

Napanosoꞌ cato huiꞌninpita nanoꞌsa yaꞌhuëtërin: Paninansoꞌ Nia itopi. Ina piquëran niantarinsosoꞌ, Naquira itopi.

Génesis 29:24

Naporahuaton Napanori, aꞌnara piyapinën sanapi nininso Nia nicanarin. Camaicaso marëꞌ nicanarin. Inaso sanapi Siripa itopi.

Génesis 29:26

—Isëquëso api, co huaꞌhua nininsoꞌton, asoꞌyaraihuëꞌ.

Génesis 31:26

Cacopo quënanahuaton, chiníquën nontërin: —¡Paꞌpi co noyahuëꞌ ninan! ¡Co nonpinchitoncohuëꞌ pora! Ahuëtahuatë sanapiꞌsa manëso pochin huiꞌnahuëpita quëshiaranco.

Génesis 31:7

Naporahuaton nonpintahuatonco co noꞌtëquën pahuërërincosohuëntaꞌ, nitotëramaꞌ. Napoaponahuëꞌ, Yosë catahuarinco niꞌton, co aquëtë huarëꞌ ihuarincohuëꞌ.

Mateo 7:12

Noya ninosorocasoꞌ yaꞌhuërin. Canpitasoꞌ nohuantëramaꞌ aꞌnapita nosoroinënquëmasoꞌ. Napoaton canpita nohuantëramaso chachin inapitantaꞌ nosorocoꞌ. Ninosoroatomaꞌ, nicatahuacoꞌ. Yosë nohuanton, Moisësë, pënëntonaꞌpiroꞌsaꞌ, inapita naꞌcon pënënpirinënquëmahuëꞌ, ninosorocasoꞌ naꞌcon naꞌcon nohuantërin. Ninosorohuatamaꞌ, noya imasaramaꞌ, tënahuë,” itërin Quisosori.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

1 Corintios 3:13

Tachiton nininso quëran pëipatëra, noya ninin, co huiquitërinhuëꞌ. Nipirinhuëꞌ, nara, panpë, piquira inapita quëran pëipatëra, aꞌnaroáchin huiquitërin. Inapochachin ayaroꞌ tahuëri Yosë yaꞌipinpoaꞌ ninëhuasopita pën quëran tëniarin. Naporoꞌ yaꞌipi piyapiꞌsaꞌ nitotapi.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.

Rota naporinso' 4:11

Napohuachina, yaꞌipi inaquë nisapisopitari itaponaꞌ: —Quiya mini niꞌtonëhuëiquë napoaran. Sinioro nohuanton sanapi manansoꞌ, Naquira, Nia, inapita pochin niin. Inapita quëran yaꞌipi israiroꞌsanpoa pipirëhuaꞌ. Quëmanta yaꞌipi Pirin ninanoquë yaꞌhuëpisopita noya niꞌinën. Napotërinënsoꞌ, yaꞌipi iso ninanoquë nahuiꞌin. Sinioro nohuanton ina sanapi masaranquë naꞌa huiꞌnahuanquëꞌ. Inapita quëraonta panca huënton quëmopiroꞌsa pipiinaꞌ. Parisi itërëhuaso yaꞌhuëtërinso nápoꞌ, pipiinaꞌ. Inasoꞌ, Cota huiꞌnin Tamaraquëya huiꞌnahuaninsoꞌ, itopi.

1 Samuel 28:12

Sanapisoꞌ aꞌnanaya niꞌpirinhuëꞌ, Samoiro huëꞌsarin niꞌnin. Ina niꞌsahuaton huiyo tënin. Naporahuaton Saono itapon: —¡Nonpintëranco! ¡Quëma mini Saononquën! itërin sanapiri.