Génesis 29:20 - Chayahuita (Shahui)

²⁰ Inapoaton Cacoposoꞌ Naquira marëꞌ canchisë piꞌipi sacatërin. Huaꞌqui sacatopirinhuëꞌ, Naquira paꞌpi nosoraoton, cara tahuëriíchin sacatërinso pochin cancantërin.

Génesis 29:20 ပူးပေါင်းရင်းမြစ်များ

Génesis 24:67

Ina quëran Isacosoꞌ, aꞌshinco nëꞌmëtë pëinënquë Nipica quëparin. Co huaꞌquiya quëranhuëꞌ macaton, noya cancantërin. Paꞌpi nosoromiatërin. Aꞌshin marëꞌ sëtápirinhuëꞌ, inapoaton noya cancantërin huachi.

Génesis 29:19

Napotohuachina, Napanori itapon: —Naporan niꞌquëhuarëꞌ, quëmari maquë nipachin. Nishaso quëtacasoꞌ, co noyahuëꞌ. Yacapatonco sacatëquë nipachin, itërin.

Génesis 29:27

Nia mananso marëꞌ aꞌna simana pita nicacaso yaꞌhuërinsoꞌ, naniquëꞌ. Ina nanihuatan, Naquira yaꞌhuërëꞌ acoantaranquën. Canchisë piꞌi chachin ca marëꞌ sacatacasoꞌ nohuantohuatan, inapotaranquën, itërin Napanori.

Génesis 29:30

Nani acoantohuachina, Cacoposoꞌ, Naquira ichihuëꞌërin huachi. Inapoaton ina naꞌcon naꞌcon nosororin. Niaso nipirinhuëꞌ, co onpopinchin nosororinhuëꞌ. Canchisë piꞌipi chachin Napano marëꞌ sacataantacasoꞌ niponahuëꞌ, nosororin.

Génesis 30:26

Saꞌahuëpita, huiꞌnahuëpita, inapita quëtoco. Nani inapita marëꞌ sacatërahuësoꞌ nanirin. Quëma nitotëran onpo sacatërahuësona niꞌton, quëpai huachi topirahuë, itërin.

Génesis 31:15

Naporahuaton ipora chachin nisharoꞌsa pochin tata niꞌnincoi huachi. ¡Paꞌanpitërarincoi niꞌton, quiya marëꞌ pahuërëtaton ina nápo sacatëran!

Génesis 34:19

Cacopo huiꞌnin paꞌpi nohuantaton Siquimosoꞌ, aꞌnaroáchin natëtërin. Inasoꞌ, yaꞌipi Amoro huiꞌninpita quëran chini chiníquën nanantërin. Napoaton, paꞌpinë chachin ninano yaꞌcoanaquë paꞌpi. Inaquë yaꞌhuëhuanoꞌsa niyontonpi, maꞌsha yonquiatona anoyatacaiso marëꞌ. Yaꞌhuëhuanoꞌsa niyontonpachinara, itaponaꞌ:

1 Corintios 13:7

Co noyahuëꞌ nanan natantohuatëhuaꞌ, co aꞌnaroáchin natëtarihuahuëꞌ. Noya yonquiatëhuaꞌ, natëarihuaꞌ. “Yosë nohuanton, oshaquëran noya cancantapon,” taꞌtëhuaꞌ, ninarëhuaꞌ. Maꞌsha onpotopirinënpoahuëntaꞌ, yaꞌipi ahuantarihuaꞌ.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Efesios 5:2

Quisocristo nosoroatonpoaꞌ, canpoa marëꞌ chiminin. Oshanënpoa marëꞌ chiminpachina, Yosëri noya niꞌnin. Napoaton canpoantaꞌ nani tahuëriya inapochachin ninosoroaꞌahuaꞌ Yosë noya niꞌinpoaꞌ.

1 Samuel 18:23

Napotohuachina piyapinënpitasoꞌ Tapi paapapi. Paaparahuatonaꞌ, yaꞌipi Saonori napotërinso shaꞌhuitopi. Shaꞌhuitohuachinara inari itapon: —¡Naporinchi paya! Caso topinan piyapico. Naporahuaton co maꞌhuancohuëꞌ: “Copirno miꞌsëtëquëꞌ,” topatamara noya nicatomaco naporamaꞌ. Sacai nipirinhuëꞌ, inta nipachin, itërin.