Génesis 28:5 - Chayahuita (Shahui)

⁵ Ina pochin Isacori Patan-aran parti Cacopo aꞌparin. Cacoposoꞌ paꞌsahuaton, Napano yaꞌhuërinquë canconin. Nani shaꞌhuirahuëso chachin inasoꞌ, Pitoiro huiꞌnin. Pitoirosoꞌ Aran piyapi. Napanosoꞌ, Nipica yoꞌin miáchin. Nipicantaꞌ, Cacopo, Isao, inapita aꞌshinaꞌ.

Génesis 28:5 ပူးပေါင်းရင်းမြစ်များ

Génesis 22:23

Ina Pitoiro mini, Nipica paꞌpin. Nacorosoꞌ, Apraan iyaꞌhuain. Yaꞌipiya quëran Miricasoꞌ, posa huaꞌhuinpita yaꞌhuëtërin. Ina nápo Nacorosoꞌ, saꞌinquë chachin huiꞌnahuanin.

Génesis 24:54

Naporo huarëꞌ Apraan piyapinën, caꞌtaninsopitarë chachin, coshatopi, oꞌopi, napopi. Naporahuatona naporo tashi inaquë chinotopi huachi. Tahuëririnquë capayatahuaton, Apraan piyapinënso Nipica paꞌpin, yoꞌin inapita itapon: —Ipora tahuëri huaꞌanëhuë yaꞌhuërinquë yapaantarahuë taꞌa, tënin.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 27:43

Napoaton noya natanco shaꞌhuichinquën. Aꞌnaroáchin Aran ninanoquë taꞌaquëꞌ. Api masho Napano pëinënquë paquëꞌ.

Génesis 28:2

Patan-aran parti tëhuënchinsoꞌ paquëꞌ. Tata masho Pitoiro yaꞌhuërinquë paꞌsahuaton, api Napano huiꞌninpita aꞌnara maquëꞌ.

Génesis 29:1

Cacopo paꞌsápaton, piꞌi pipirinso parti yaꞌhuëpisopita yaꞌhuërinquë canconin.

Génesis 29:12

Cacopori shaꞌhuitërin: “Caso quëmaquën tata, apihuëmiáchin. Quëmaquën aꞌshacha Nipica itëramaso huaꞌhuinco niꞌto, naporahuë,” tënin. Ina natanaton, Naquiraso taꞌarëꞌnachin paꞌpin shaꞌhuitapon paꞌnin.

Génesis 35:27

Aꞌna tahuëri Cacoposoꞌ paꞌpin yaꞌhuërinquë paꞌnin. Inasoꞌ, Mamiriquë yaꞌhuërin. Ina ninanosoꞌ Arapa itopi antaꞌ. Naporahuaton ina chachin Ipron itomantapi. Inaquë Apraan, Isaco, inapita yaꞌhuëpi.

Deuteronomio 26:5

Nani Sinioro notënanquë acohuachina, iso pochin Sinioro nontaran: ‘Shimashonëhuëpitasoꞌ, Aran piyapiꞌsaꞌ. Caraíchin niꞌsoiꞌ, paatona patë patë́rantapi. Oshaquëran Iquipito roꞌtëquë yaꞌhuëcaiso marëꞌ paꞌmapi. Inaquë naꞌatona panca nacion tarancoantapi.