Génesis 28:3 - Chayahuita (Shahui)

³ Yosë yaꞌipi nanitaparinsoꞌ catahuainquën. Naꞌa huiꞌnanpita quëchinquën. Quëmá quëran naꞌa nacionoꞌsa pipicaso marëꞌ inapochinquën.

Génesis 28:3 ပူးပေါင်းရင်းမြစ်များ

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 13:16

Ca nohuanto shiparinpita paꞌpi notohuaroꞌ naꞌamiataponaꞌ. Moꞌshi co pichicasohuëꞌ ninin. Inapochachin shiparinpitanta co onpo pichicasohuëꞌ naꞌaponaꞌ.

Génesis 17:20

Ismairo marënta nontërancosoꞌ, nani natananquën. Inanta catahuarahuë. Ca nohuanto naꞌa huiꞌninpita yaꞌhuëtapon. Ina quëran pipipisopita naꞌamiataponaꞌ. Shonca cato huaꞌanoꞌsa nicacaisoꞌ huiꞌnahuanapon. Ina shinpita quëran panca nacion pipipon.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 26:4

Ca nohuanto quëma shiparinpita, naꞌamiataponaꞌ. Tayoraroꞌsa piꞌiroꞌtëquë yaꞌhuërinso nápo, yaꞌhuaponaꞌ. Inapitari yaꞌipi iso noꞌparoꞌsa huaꞌanëntaponaꞌ. Naporahuaton, yaꞌipi isoroꞌpaquë nacionoꞌsa yaꞌhuërinsopitantaꞌ, shiparinpita quëran catahuararahuë.

Génesis 27:33

Huiꞌnin natanahuaton, Isaco paꞌpi paꞌyantërin. Paꞌyanaton ropa ropátarin quëran itapon: —¿Inta nipachin apípora inantërinso poꞌmorahuaton, quëshirinco? Co quëma canquiyátërasënquënhuë quëshirinco niꞌton, nani yaꞌipi caꞌnahuë: “Isao mini,” taꞌto, nani noya yaꞌhuëcaso marëꞌ shaꞌhuitërahuë. Ipora inasoꞌ, noya noya yaꞌhuapon huachi, itërin.

Génesis 41:52

Ina quëran niantarinsosoꞌ, Iprain itërin. “Yosë nohuanton parisitërahuëso noꞌpaquë chachin noya noya acorinco,” taꞌton ina pochin huiꞌnin nohuitërin.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 48:3

Cosisoꞌ, huiꞌninpitarë chachin yaꞌcoontarahuaton paꞌpin nontoonin. Ina quëran Cacoposoꞌ Cosi itapon: —Yosë yaꞌipi nanitaparinsoꞌ, Noso ninanoquë yaꞌnotërinco. Inaso ninanoꞌ, Canaan parti yaꞌhuërin. Yaꞌnotahuatonco, iso pochin noya yaꞌhuëcaꞌhuaso marëꞌ shaꞌhuitërinco: “Niꞌquëꞌ. Ca nohuanto, notohuaroꞌ huiꞌnanpita yaꞌhuëtarinquën. Quëmá quëran pipipisopita, naꞌa nacionoꞌsa ocoyaponaꞌ. Naporahuaton, inapita, iso noꞌpaꞌ quëtarahuë. Inapitari huaꞌanëntomiataponaꞌ,” itërinco.

Génesis 49:25

Yosënëhuë chachin, catahuapënquën. Inasoꞌ, yaꞌipi nanitapaton catahuapënquën. Ina nohuanton, oꞌnanpachina catahuainquën. Acoporonta iꞌ yaꞌhuërinsoꞌ, ina nohuanton pipiton catahuainquën. Pëꞌtahuanëmapita, sanapinëmapita, inapitanta huaihuachina catahuain.

Génesis 9:1

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Salmos 127:1

Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Salmos 127:3

Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

Éxodo 1:7

Napoaponahuëꞌ, naꞌa huiꞌninapita yaꞌhuëtopi niꞌton, huaꞌqui quëran paꞌpi notohuaroꞌ naꞌapi. Yaꞌipi Iquipito noꞌpaquë yanquëatona yaꞌhuëpi.

Éxodo 6:3

Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Apocalipsis 21:22

Inaquësoꞌ co Yosë chinotacasoꞌ pëiꞌ yaꞌhuërinhuëꞌ. Yosë chini chiníquën nanantërinso chachin yaꞌipi parti yaꞌhuarin. Carniroaꞌhuantaꞌ yaꞌhuarin niꞌton, noya noya chinotarihuaꞌ.

Rota naporinso' 2:4

Inapoaton maꞌpatasoꞌ, imin huaꞌanën Pirin quëran canquirin. Canquirahuaton yaquinaꞌpiroꞌsa noya nontërin: “Sinioro chachin catahuainquëmaꞌ,” itërin. Napotohuachina piyapinënpitantaꞌ, “Quëmanta Sinioro catahuainquën,” itopi.