Génesis 28:2 - Chayahuita (Shahui)

² Patan-aran parti tëhuënchinsoꞌ paquëꞌ. Tata masho Pitoiro yaꞌhuërinquë paꞌsahuaton, api Napano huiꞌninpita aꞌnara maquëꞌ.

Génesis 28:2 ပူးပေါင်းရင်းမြစ်များ

Génesis 24:10

Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

Génesis 24:29

Nipicasoꞌ aꞌna yoꞌin mashonën yaꞌhuëtërin. Inasoꞌ, Napano itopi. Poꞌmoitëra pochin nininsoꞌ oshin quëtopisoꞌ nicaparin. Aꞌsontanparinsopitantaꞌ, nicaparin. Shaꞌhuirinsonta natanahuaton, Apraan piyapinën yonicaso marëꞌ posoquë taꞌamarin. Ina pirayan, camiyonënpitarë chachin huaniárin quënamarin.

Génesis 24:4

Quëma chachin huaꞌhuatërahuëso noꞌpaquë paquëꞌ. Inaquë paꞌsahuaton, quëmopinëhuëpita quëran sanapi yonítëquëꞌ, itërin.

Génesis 24:50

Napotohuachina, Napano, Pitoiro, inapitari itopi: —Yaꞌipi naporansopita Sinioro nohuanton naporin tënai. Napoaton, soꞌyachin nipachin.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 28:5

Ina pochin Isacori Patan-aran parti Cacopo aꞌparin. Cacoposoꞌ paꞌsahuaton, Napano yaꞌhuërinquë canconin. Nani shaꞌhuirahuëso chachin inasoꞌ, Pitoiro huiꞌnin. Pitoirosoꞌ Aran piyapi. Napanosoꞌ, Nipica yoꞌin miáchin. Nipicantaꞌ, Cacopo, Isao, inapita aꞌshinaꞌ.

Génesis 29:1

Cacopo paꞌsápaton, piꞌi pipirinso parti yaꞌhuëpisopita yaꞌhuërinquë canconin.

Génesis 32:10

Tëhuënchachin co noyacohuëꞌ niꞌto, co nosoroancosoꞌ yaꞌhuërinhuëꞌ. Co noꞌtëquënáchin catahuaancoso yaꞌhuëpirinhuëꞌ. Iráca yaꞌhuërahuë quëran pipipo, Cortaniiquë pëntoitërahuë. Naporoꞌ co maꞌsha tëranta quëparahuë. Pitananëhuëroꞌcoáchin paꞌnahuë. Napopirahuëꞌ, iporasoꞌ cato huënton pochin huaꞌanëntërahuë.

Génesis 33:18

Inaquë huaꞌquimiachin yaꞌhuërin. Ina quëran Cacoposoꞌ, yaꞌipi huëntonënë chachin Siquimo ninano notënanquë paꞌnin. Inaquë nëꞌmëtë pëiroꞌsa otëantarin. Inapoaton Patan-aran quëran huëꞌninsoꞌ, Canaan noꞌpaquë noya canquirin.

Génesis 35:9

Cacopo Patan-aran quëran huënantahuachina, Yosëri naquëranchin inaquë yaꞌnotaantarin. Yaꞌnotaton noya yaꞌhuëcaso marëꞌ shaꞌhuitërin.

Génesis 46:15

Ina nápo Cacopo huiꞌninpita quëmapiꞌsa Niaquëya yaꞌhuëpi. Sanapinta aꞌnara yaꞌhuëtërin: Tina itërinsoꞌ. Inapitasoꞌ, Patan-aranquë yaꞌhuapon huiꞌnahuaninsopita. Nia quëran pipipisopitasoꞌ, cara shonca cara yaꞌpiꞌ, sanapirë chachin icanpi.