Génesis 28:1 - Chayahuita (Shahui)

¹ Nipicari napotohuachina, Isacori, Cacopo amatahuaton, noya nontërin. Co noꞌhuirinhuëꞌ. Noya yaꞌhuëcaso marëꞌ shaꞌhuitaton itapon: “Yosë noya catahuainquën conpa,” itërin. Napotahuaton pënënin: “Ama iso Canaan noꞌpaquë sanapi máquësohuëꞌ.

Génesis 28:1 ပူးပေါင်းရင်းမြစ်များ

Génesis 24:37

Huaꞌanëhuë camairincosoꞌ, natëcaꞌhuaso marëꞌ nani Yoscoarëꞌ taꞌto shaꞌhuitërahuë. Naporoꞌ napotërinco: “Co isoporinquë Canaan sanapi nininsoꞌ, Isaco macacaso yaꞌhuërinhuëꞌ.

Génesis 24:4

Quëma chachin huaꞌhuatërahuëso noꞌpaquë paquëꞌ. Inaquë paꞌsahuaton, quëmopinëhuëpita quëran sanapi yonítëquëꞌ, itërin.

Génesis 27:4

Nani tëpahuatan, costarincoso chachin poꞌmorahuaton, quëshico caꞌi. Ina quëran noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën, itërin.

Génesis 27:46

Ina quëran Nipicasoꞌ, Isaco nontapon paꞌnin: —Iti sanapiꞌsa Isaori maninsoꞌ co noyahuëꞌ nipi niꞌton, chiminchináchin cancantërahuë. Cacopo yaꞌhuërëꞌ ina sanapi chachin, iso Canaan roꞌtëquë yaꞌhuërinso maantahuachin, chiminaꞌhuaso noya noya nisarin, tënahuë, itërin.

Génesis 28:6

Isaosoꞌ, paꞌpini, Cacopo noya yaꞌhuëcaso marëꞌ shaꞌhuitërinsoꞌ niꞌnin. Patan-aranquë saꞌacaso marëꞌ aꞌparinsontaꞌ, niꞌnin. Naporahuaton, paꞌpini noya yaꞌhuëcaso marëꞌ shaꞌhuitapon pochin: “Ama Canaan sanapi máquësohuëꞌ,” itërinsonta natanin.

Génesis 34:16

Naporo huarëꞌ tëhuënchinsoꞌ, canpitanta huiꞌnahuëi masaramaꞌ, quiyanta canpita huiꞌnama masarai. Inapohuatëhua aꞌna huëntoínchin pochin nisarëhua huachi.

Génesis 34:9

Inapoatëhuaꞌ, yaꞌhuëaꞌahua topirahuë. Napohuatëhuaꞌ, quiyanta canpita huiꞌnama macapoi. Canpitantaꞌ, quiya huiꞌnahuëi masaramaꞌ.

Génesis 38:2

Inaquë yacapatapon pochin, aꞌnara nanon nohuitërin. Inasoꞌ, Soa itopisoꞌ huiꞌnin. Soasoꞌ Canaan piyapi. Cotari natanpachina, acoantopi. Inaquë huiꞌnahuanpachina, paninanën nasitërin. Ina nohuitaton, Iri itërin.

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Génesis 6:2

Yosë huiꞌninpitari ina nanoꞌsa niꞌsahuatonaꞌ, paꞌyatopi. Napoaton huayonatona huayonatonaꞌ, costapiso maraꞌpiapi.

Deuteronomio 33:1

Moisësësoꞌ, Yosëri anitotërinso shaꞌhuinaꞌpi. Coꞌhuara chimiyantërasohuëꞌ, israiroꞌsa noya yaꞌhuëcaiso marëꞌ shaꞌhuitaton iso pochin shaꞌhuitërin: “Sinai motopiquë niꞌsëhuaꞌ, Sinioro huëcapairinpoaꞌ. Itomo motopiroꞌsa parti quëran huarëꞌ, piꞌi aꞌpininso pochin, noya nicacasoꞌ anitotërinpoaꞌ. Paran ninano motopiroꞌsa quëran huarëꞌ, huënaratërinso imaquirëhuaꞌ. Ina naꞌhuëtahuaton, Miripa-Catisë quëran huarëꞌ noya quëninpoaꞌ. Inchinan quëran sëꞌquëatë pochin, pënëntërinso nanan quëshirinpoaꞌ. Chiníquën nanantërin niꞌton, naporo panca pën niꞌnëhuaꞌ.