Génesis 27:44 - Chayahuita (Shahui)

^44-45 Inaquë paaton, huaꞌquimiachin yacapaontaquëꞌ. Iya masho noꞌhuitërinsoꞌ sanoquë huarëꞌ, inaquë yaꞌhuëcontaquëꞌ. Co huachi quënanpachinquënhuëꞌ, napotëransoꞌ naniantapon. Naporoꞌ huënantamaso marëꞌ amataranquën. Co nohuantërahuëꞌ naporo chachin catonquëma chiminamasoꞌ, itërin.

Génesis 27:44 ပူးပေါင်းရင်းမြစ်များ

Génesis 31:38

Cato shonca piꞌi quëma marëꞌ sacatërahuë. Naporoꞌ co aꞌna ohuica tërantaꞌ, co aꞌna chipo tëranta anaꞌhuarinhuëꞌ. Huëntonënpita quëran, co aꞌna carniro tërantaꞌ, capitëranquënhuëꞌ.

Génesis 31:41

Cato shonca piꞌi quëma marëꞌ sacatato, yaꞌipi inapita ahuantërahuë. Cato huiꞌnanpita marëꞌ shonca catapini piꞌipi sacatërahuë. Pëꞌtahuanënpita marëntaꞌ, saota piꞌi sacatërahuë. Naporahuaton, apira apira pochin nisha nisha canaꞌhuaso shaꞌhuitëranco.

Amós 9:5

Siniorosoꞌ, Yosë. Inasoꞌ, yaꞌipi nanitaparin. Isoroꞌpaꞌ cariatë pochin nipachina, pëni paꞌnan apoirinso pochin nitërin. Napohuachina, piyapiꞌsa naꞌnërantaponaꞌ. Niroiꞌ pamatohuachina huinquintërinso pochin isoroꞌpanta nisarin.