Génesis 27:43 - Chayahuita (Shahui)

⁴³ Napoaton noya natanco shaꞌhuichinquën. Aꞌnaroáchin Aran ninanoquë taꞌaquëꞌ. Api masho Napano pëinënquë paquëꞌ.

Génesis 27:43 ပူးပေါင်းရင်းမြစ်များ

Génesis 11:31

Tarisoꞌ, Orë ninano quëran pipirin. Cartioroꞌsa yaꞌhuërin quëran pipirahuaton, Canaan parti chinoton, paꞌnin. Huiꞌnin Apran itopiso Sarairë chachin quëparin. Naporahuaton, shionta Noto itopiso quëparin. Paꞌsapirinahuëꞌ, Aran ninanoquë canconpachinara, inaquë quëparitonpi.

Génesis 24:29

Nipicasoꞌ aꞌna yoꞌin mashonën yaꞌhuëtërin. Inasoꞌ, Napano itopi. Poꞌmoitëra pochin nininsoꞌ oshin quëtopisoꞌ nicaparin. Aꞌsontanparinsopitantaꞌ, nicaparin. Shaꞌhuirinsonta natanahuaton, Apraan piyapinën yonicaso marëꞌ posoquë taꞌamarin. Ina pirayan, camiyonënpitarë chachin huaniárin quënamarin.

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 27:13

Itopirinhuëꞌ, aꞌshini itapon: —Co huachi noya yaꞌhuëcamaso marëhuëꞌ shaꞌhuitohuachinquën huaꞌhua, ca marëꞌ niin. Quëmaso shaꞌhuitëranquënso chachin nicaton, cato chipoaꞌhua quëshico, itërin.

Génesis 27:42

Isao napo yonquitërinsoꞌ, Nipicaso nitotërin. Napoaton Cacopo amatahuaton, itapon: —Niꞌquë huaꞌhua. Iya masho, napotëranso marëꞌ yatëparinquën natantërahuë.

Génesis 27:8

Napoaton noya natanquë shaꞌhuichinquën.

Génesis 28:10

Cacopo Piirsipa quëran pipirahuaton, Aran ira paꞌtërin. Iꞌhuatohuachina, quëparitërin huëꞌëton pacacaso marëꞌ. Aꞌnara naꞌpi masahuaton, motoantacaso marëꞌ acorin. Ina motoantaton huëꞌërin.

Génesis 28:5

Ina pochin Isacori Patan-aran parti Cacopo aꞌparin. Cacoposoꞌ paꞌsahuaton, Napano yaꞌhuërinquë canconin. Nani shaꞌhuirahuëso chachin inasoꞌ, Pitoiro huiꞌnin. Pitoirosoꞌ Aran piyapi. Napanosoꞌ, Nipica yoꞌin miáchin. Nipicantaꞌ, Cacopo, Isao, inapita aꞌshinaꞌ.

Génesis 28:7

Paꞌpini, aꞌshini, shaꞌhuitërinso chachin Cacopontaꞌ, Patan-aranquë paꞌninsoꞌ niꞌnin.

Génesis 35:1

Naporoꞌ Yosëri Cacopo huëꞌënquë yaꞌnotaton, camairin: “Caso Yosëco. Iráca iya masho Isao taꞌananpisën yaꞌnotëranquën. Pitiriquë paantaton, inaquë yaꞌhuëconquëꞌ. Inaquë canconpatan, chinotaancoso marëꞌ aꞌnara artaro niquëꞌ,” itërin.

Hechos 5:29

—Pënënpiramacoihuëꞌ, Yosë naꞌcon naꞌcon natëcasoꞌ yaꞌhuërin. Napoaton co nanitëraihuëꞌ natëcaꞌhuainquëmasoꞌ.