Génesis 27:4 - Chayahuita (Shahui)

⁴ Nani tëpahuatan, costarincoso chachin poꞌmorahuaton, quëshico caꞌi. Ina quëran noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën, itërin.

Génesis 27:4 ပူးပေါင်းရင်းမြစ်များ

Génesis 14:19

Nani aꞌcarahuaton, Miriquisori Apran iso pochin shaꞌhuitërin: “Yosë chini chiníquën nanantërinsoꞌ, catahuainquën. Inasoꞌ, piꞌiroꞌtëꞌ, isoroꞌpaꞌ, inapita acorin.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 27:14

Cacoposoꞌ, macontarahuaton aꞌshin quëshirin. Tëparahuaton, inari Isaco costarinso chachin, poꞌmotërin.

Génesis 27:17

Inapotahuaton, poꞌmorinso sënanquë oꞌhuintërin. Oꞌhuintahuaton, panë chachin paꞌpin quëtacaso marëꞌ huaꞌhuin quëtërin.

Génesis 27:19

—Ca mini Isaoco, paninantërancosoꞌ. Nani shaꞌhuitërancosoꞌ quëshiranquën. Huënsëaton tata, maꞌsha inanahuësoꞌ, caꞌquëꞌ. Ina piquëran noya yaꞌhuëcaꞌhuaso marëꞌ shaꞌhuitoco huachi, itërin.

Génesis 27:23

Isao tanpaquën pochin anporohuaninso marëꞌ co nohuitërinhuëꞌ. Napoaponahuëꞌ coꞌhuara noya yaꞌhuëcaso marëꞌ shaꞌhuichátërasohuëꞌ, naquëranchin nataantarin: —¿Tëhuënchachin quëma Isaonquën? itaantarin. —Inaco mini, itërin Cacopori.

Génesis 27:25

Napotohuachina, Isacori itapon: —Acotoco nipachin conpa inantëranso caꞌi. Ina quëran nani coshatohuato, noya yaꞌhuëcamaso marëꞌ shaꞌhuitaranquën huachi, itërin. Napotohuachina, Cacoposoꞌ paꞌpin capacaso acotërin. Huinonta quëshirin. Isacosoꞌ, noya coshatahuaton, oꞌorin, naporin.

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 27:31

Huëntarahuaton, inantërinso poꞌmointarin. Anpirahuaton, paꞌpin quëpataton, itapon: —Huënsëquë tata, inantërahuëso poꞌmotëranquën caꞌquëꞌ. Capaton noya yaꞌhuëcaꞌhuaso marëꞌ shaꞌhuitoco huachi, itërin.

Génesis 27:5

Napoaponahuëꞌ, Nipicanta Isao napotërinso natanarin. Napoaton ina tananquë paaso chachin, aꞌnaroáchin Cacopo përaton shaꞌhuitërin: —¡Natanquë huaꞌhua shaꞌhuichinquën. Nani iya masho tatari napotërinsoꞌ natayatërahuë!

Génesis 27:7

“Maꞌsha yoníquëꞌ. Nani tëpahuatan, costarincoso chachin poꞌmorahuaton, quëshico caꞌi. Ina quëran Sinioro niꞌtonënquë chachin noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën,” itërin.

Génesis 27:9

Pëꞌtahuaroꞌsa yaꞌhuërinquë paꞌsahuaton, cato chipoaꞌhua noya noyatopisoꞌ macontarahuaton quëshico. Cari, tata masho costarinso chachin poꞌmochi.

Génesis 28:3

Yosë yaꞌipi nanitaparinsoꞌ catahuainquën. Naꞌa huiꞌnanpita quëchinquën. Quëmá quëran naꞌa nacionoꞌsa pipicaso marëꞌ inapochinquën.

Génesis 48:9

—Isopita mini huiꞌnahuëpita. Yosë nohuanton naroꞌpaꞌ yaꞌhuëtërincosoꞌ, itërin Cosiri. —Amashachin ayaꞌcarico. Noya yaꞌhuëcaiso marëꞌ shaꞌhuichi, itaantarin Cacopori.

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Lucas 2:34

—Yosë noya aꞌpainquëmaꞌ, itërin Simioni. Ina quëran aꞌshin itantapon: —Huaꞌhuan mashotohuachin, yaꞌipi israiroꞌsaꞌ pënënarin. Natanahuatonaꞌ, aꞌnaquën natëtonaꞌ, noya cancantapi. Aꞌnaquënso nipirinhuëꞌ co nohuantapihuëꞌ niꞌton, anotërëso pochin nisapi. Yosë nohuitacaiso marëꞌ noꞌtëquën pënëntapirinhuëꞌ, chiníquën noꞌhuiapi.

Lucas 24:51

Nonin quëran chachin inápaquë panantarin.

Hebreos 11:20

Ina quëran Isacontaꞌ catoꞌ huiꞌninpita yaꞌhuëtërin, Cacopo, Isao inapita itopisoꞌ. Mashotohuachina, Yosë natëton, nontërin huiꞌninpita catahuacaso marëꞌ.