Génesis 27:39 - Chayahuita (Shahui)

^39-40 Napohuachina, Isacori itapon: “Quëmaso nipirinhuëꞌ, noyaroꞌpaꞌ aquëtë yaꞌhuaran. Oꞌnan pahuaninquë yaꞌhuëapon. Noya yaꞌhuëcaso marëꞌ ahuëtápamaso yaꞌhuapon. Iyaꞌhua camairáponquën. Napoaponahuëꞌ, chini chiníquën nipatan, iyaꞌhua quëran, pipiaran huachi,” itërin.

Génesis 27:39 ပူးပေါင်းရင်းမြစ်များ

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 27:28

Yosë nontërahuë ina nohuanton oꞌnan yaꞌhuëchinquën. Shaꞌtohuatan noya noya nitacaso marëꞌ yaꞌhuëchinquën. Aꞌnapita nitërinsoꞌ mapi quëran, noya noya maquë quëmasoꞌ. Notohuaroꞌ trico nitërinsoꞌ maquë capamasoꞌ. Notohuaroꞌ huinonta yaꞌhuëchinquën oꞌocamasoꞌ.

Génesis 33:9

—Ama iyaꞌhua napoquësohuëꞌ. Canta yaꞌhuëtërinco chachin. Co quëtaancoso yaꞌhuërinhuëꞌ, itërin Isaori.

Deuteronomio 33:13

Cosi huënton quëran pipipisopita israiroꞌsanta yonquiaton, tapon: “Cosi huënton quëran pipipisopita israiroꞌsaꞌ, Sinioro catahuaquëꞌ. Noꞌpanëna noya noya niin. Poroncayo inápa quëran anotërinsoari noya noya shipichin. Acoporoquë iꞌ yaꞌhuërinsontaꞌ, noya noya nininso yaꞌhuëchin. Iꞌshanaroꞌsa quëran, iroꞌsaquë pipirinsoꞌ.

Deuteronomio 33:28

Israiroꞌsanpoasoꞌ, co manta tëꞌhuatarihuarahuëꞌ yaꞌhuëarihuaꞌ. Shiparinpoapitantaꞌ, napoaponaꞌ. Shaꞌpatëhuaꞌ, notohuaroꞌ tricoro yaꞌhuëapon capacasoꞌ. Notohuaroꞌ oparo yaꞌhuëapon oꞌocasoꞌ. Co onporonta oꞌnan pahuantarinpoahuëꞌ.

Hebreos 11:20

Ina quëran Isacontaꞌ catoꞌ huiꞌninpita yaꞌhuëtërin, Cacopo, Isao inapita itopisoꞌ. Mashotohuachina, Yosë natëton, nontërin huiꞌninpita catahuacaso marëꞌ.

Josué 24:4

Isaconta ca nohuanton cato huiꞌnahuanin. Cacopo, Isao, inapita. Isaosoꞌ, Sëir motopiroꞌsa parti noꞌpaꞌ quëtërahuë. Cacoposo napoaponahuëꞌ, huiꞌninpitarë chachin Iquipitoquë paꞌmapi.