Génesis 27:38 - Chayahuita (Shahui)

³⁸ Itopirinhuëꞌ, Isaoriso chiníquën nontaantarin: —¿Iyayáchin noya yaꞌhuëcaso marëꞌ shaꞌhuitacaso yaꞌhuërin ti? ¡Canta onpopionta inapotoco! itërin. Napotahuaton chiníquën naꞌnëantarin.

Génesis 27:38 ပူးပေါင်းရင်းမြစ်များ

Génesis 27:34

Paꞌpin naporinso natanahuaton, Isaoso co napion cancantaton naꞌnëmiatërin. Naꞌnëton paꞌpin nontërin: —¡Canta tata, noya yaꞌhuëcaꞌhuaso marëꞌ shaꞌhuitoco! itërin

Génesis 27:36

—¡Noꞌtën chachin inasoꞌ, Cacopo itopi paya! ¡Nani catoro monararinco! Paninan ninahuëso marëꞌ yaꞌhuëtiincoso nininsoꞌton, matërinco. Iporantaꞌ, tatahuë noya yaꞌhuëcaꞌhuaso marëꞌ shaꞌhuitiincosoꞌ mataantarinco. ¿Coꞌtama cantaꞌ, piꞌpiyan tëranta noya yaꞌhuëcaꞌhuaso marëꞌ shaꞌhuitaponcohuëꞌ to? itërin.

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Hebreos 12:17

Ina piquëran yonquiantapirinhuëꞌ. “Yosë naꞌcon catahuainco,” tantapirinhuëꞌ, co huachi Yosëri nohuantërinhuëꞌ. Chiníquën sëtaton naꞌnëpirinhuëꞌ, iráca aꞌporinsoꞌ co huachi nanitërinhuëꞌ anoyatacasoꞌ. Ina yonquiatomaꞌ, niꞌcona Yosë naniantotamaꞌ.

1 Samuel 11:4

Ansianoꞌsasoꞌ, comisionoꞌsa aꞌpapi. Inapitasoꞌ, Saono yaꞌhuërinso ninanoquë huëꞌsahuatonaꞌ, Naasë naporinso shaꞌhuiquiipi. Ina natanatonaꞌ, yaꞌhuëhuanoꞌsaso caniaritopi naꞌnëmiatacaisoꞌ.