Génesis 27:31 - Chayahuita (Shahui)

³¹ Huëntarahuaton, inantërinso poꞌmointarin. Anpirahuaton, paꞌpin quëpataton, itapon: —Huënsëquë tata, inantërahuëso poꞌmotëranquën caꞌquëꞌ. Capaton noya yaꞌhuëcaꞌhuaso marëꞌ shaꞌhuitoco huachi, itërin.

Génesis 27:31 ပူးပေါင်းရင်းမြစ်များ

Génesis 27:14

Cacoposoꞌ, macontarahuaton aꞌshin quëshirin. Tëparahuaton, inari Isaco costarinso chachin, poꞌmotërin.

Génesis 27:19

—Ca mini Isaoco, paninantërancosoꞌ. Nani shaꞌhuitërancosoꞌ quëshiranquën. Huënsëaton tata, maꞌsha inanahuësoꞌ, caꞌquëꞌ. Ina piquëran noya yaꞌhuëcaꞌhuaso marëꞌ shaꞌhuitoco huachi, itërin.

Génesis 27:30

Isacori, Cacopo noya yaꞌhuëcaso marëꞌ shaꞌhuitërinsoꞌ, tonitërin. Tonitohuachina, inaso paꞌpin yaꞌhuërin quëran pipirin. Pipiso chachin, Isaonta inantapon paꞌnin quëran huëntararin huachi.

Génesis 27:4

Nani tëpahuatan, costarincoso chachin poꞌmorahuaton, quëshico caꞌi. Ina quëran noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën, itërin.