Génesis 27:27 - Chayahuita (Shahui)

²⁷ Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 27:27 ပူးပေါင်းရင်းမြစ်များ

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Génesis 27:15

Isao noya noya aꞌmorinsopita nëꞌmëtë pëinënquë taparinsontaꞌ, manin. Inaquë Cacopo aꞌmoantërin.

Génesis 27:26

Inaporahuaton huiꞌnin itapon: —Yaꞌcariatonco conpa apinoco, itërin.

Génesis 27:39

Napohuachina, Isacori itapon: “Quëmaso nipirinhuëꞌ, noyaroꞌpaꞌ aquëtë yaꞌhuaran. Oꞌnan pahuaninquë yaꞌhuëapon. Noya yaꞌhuëcaso marëꞌ ahuëtápamaso yaꞌhuapon. Iyaꞌhua camairáponquën. Napoaponahuëꞌ, chini chiníquën nipatan, iyaꞌhua quëran, pipiaran huachi,” itërin.

Génesis 48:10

Cacoposoꞌ noyá mashoya niꞌton, co huachi ina inahuë quënantërin. Napoaton Cosiri huiꞌninpita ayaꞌcaririn. Napohuachinara, Cacoposo shinpita iporahuaton apinorin.

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Deuteronomio 33:13

Cosi huënton quëran pipipisopita israiroꞌsanta yonquiaton, tapon: “Cosi huënton quëran pipipisopita israiroꞌsaꞌ, Sinioro catahuaquëꞌ. Noꞌpanëna noya noya niin. Poroncayo inápa quëran anotërinsoari noya noya shipichin. Acoporoquë iꞌ yaꞌhuërinsontaꞌ, noya noya nininso yaꞌhuëchin. Iꞌshanaroꞌsa quëran, iroꞌsaquë pipirinsoꞌ.

Hebreos 11:20

Ina quëran Isacontaꞌ catoꞌ huiꞌninpita yaꞌhuëtërin, Cacopo, Isao inapita itopisoꞌ. Mashotohuachina, Yosë natëton, nontërin huiꞌninpita catahuacaso marëꞌ.

Hebreos 6:7

Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.