Génesis 27:26 - Chayahuita (Shahui)

²⁶ Inaporahuaton huiꞌnin itapon: —Yaꞌcariatonco conpa apinoco, itërin.

Génesis 27:26 ပူးပေါင်းရင်းမြစ်များ

Génesis 27:25

Napotohuachina, Isacori itapon: —Acotoco nipachin conpa inantëranso caꞌi. Ina quëran nani coshatohuato, noya yaꞌhuëcamaso marëꞌ shaꞌhuitaranquën huachi, itërin. Napotohuachina, Cacoposoꞌ paꞌpin capacaso acotërin. Huinonta quëshirin. Isacosoꞌ, noya coshatahuaton, oꞌorin, naporin.

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 29:11

Ina quëran Naquira apinorahuaton: “Iꞌhuata oshi,” itërin. Napotahuaton, naꞌnërarin.

2 Samuel 14:33

Napotohuachina, inaso, copirno shaꞌhuitoonin. Ina natanaton, inaso Apësaron amatërin. Paꞌpinquë canquihuachina, isonin quëran noꞌpaquë huarëꞌ monshorahuaton mosharin. Inarinta apinorahuaton nontërin.

Mateo 26:49

Ina quëran yaꞌyoranquirahuaton: —Tashita Maistro, itiirahuaton, apinorin.