Génesis 26:7 - Chayahuita (Shahui)

⁷ Yaꞌhuëhuanoꞌsari Nipica niꞌsahuatonaꞌ, soꞌin natanpachinara: “Saꞌahuë,” taꞌcaso nipirinhuëꞌ, tëꞌhuaton nonpinin: “Oshihuë,” tënin. “Nipica noyápiroyanchin niꞌton, yaꞌhuëhuanoꞌsari macaponaꞌ. Yaꞌhuërëꞌ caso tëpaponaco,” taꞌton naporin.

Génesis 26:7 ပူးပေါင်းရင်းမြစ်များ

Génesis 12:11

Iquipito noꞌpaquë yaꞌcaritohuachina Apransoꞌ, Sarai itapon: “Niꞌquëꞌ, quëmaso tëhuënchachin noyápiroyanchinquën.

Génesis 12:13

Napoaton ama quëma naꞌin quëran tëpainacoso marëhuëꞌ: ‘Isoso yoꞌyohuë,’ tëquëꞌ, topirahuë,” itërin.

Génesis 12:15

Iquipito copirnosoꞌ, “huaraon” itopi. Ina catahuapisopita huaꞌanoꞌsantaꞌ, Sarai niꞌpi. Niꞌsahuatonaꞌ, noyápiroyanchin nininso huaꞌanëna shaꞌhuitonpi. Natanahuaton huaraonsoꞌ: “Quëshico,” tënin. Napoaton Saraisoꞌ, ina pëinënquë quëpapi.

Génesis 20:2

Apraanso inaquë yaꞌhuapon pochin, Sara saꞌin nipirinhuëꞌ: “Oshihuë,” toconin. Napoaton Quiraro copirno Apimirico itopisori yamanin. Camaitohuachina, macacaso marëꞌ Sara quëpatopi.

Génesis 20:5

Coꞌta Apraan chachin naporin: ‘Oshihuë,’ tënin. Sarantaꞌ: ‘Yoꞌyohuë,’ tënin. Cato chachin napopi niꞌton, co nitotatohuë manahuë,” itërin.

Génesis 24:16

Nipicasoꞌ, noyápiroyanchin. Naporahuaton nanon, co quëmapiri sëꞌhuayátërarinhuëꞌ. Canquirahuaton posoquë nohuaramarin. Yonshanën amëntaitërinso pitënahuaton, panantapirinhuëꞌ,

Génesis 26:6

Siniorori napotohuachina, Quiraro ninanoquë quëparitopi.

Génesis 26:8

Huaꞌqui quëran pochin Apimiricosoꞌ, huintananën quëran notëtarin. Notëtapirinhuëꞌ, Isacori Nipica apinorarin quënanin.

Génesis 29:17

Niasoꞌ, noyápiachin yaꞌpirahuanin. Naquiraso nipirinhuëꞌ, noyápiroyanchin, co máquën tëranta tëhuërinhuëꞌ.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Efesios 5:25

Quëmapiꞌsantaꞌ saꞌinaꞌ nosoroꞌinaꞌ. Quisocristosoꞌ imarëhuasopita naꞌcon nosororinpoaꞌ. Nosoroatonpoaꞌ, yaꞌhuërënamënpoaꞌ chiminin. Ina nosororinpoaso pochachin quëmapiꞌsaꞌ saꞌinaꞌ nosoroꞌinaꞌ.

Colosenses 3:9

Ama ninonpintocosohuëꞌ. Co noyahuëꞌ yonquiramasopita nani aꞌporamaꞌ niꞌton, co ina yonquicasoꞌ yaꞌhuërinhuëꞌ. Mocarinsoꞌ tëꞌyatërëso pochin iráca naporamasopita aꞌpoatomaꞌ, naniantomiatocoꞌ.