Génesis 26:34 - Chayahuita (Shahui)

³⁴ Isao catapini shonca piꞌipitohuachina, Cotita manin. Inasoꞌ, Piiri itopisoꞌ huiꞌnin. Piirisoꞌ, Iti piyapi. Ina piquëran Isaosoꞌ, aꞌna maantarin, Pasima itopisoꞌ. Inasoꞌ, Iron huiꞌnin. Ironta Iti piyapi chachin.

Génesis 26:34 ပူးပေါင်းရင်းမြစ်များ

Génesis 27:46

Ina quëran Nipicasoꞌ, Isaco nontapon paꞌnin: —Iti sanapiꞌsa Isaori maninsoꞌ co noyahuëꞌ nipi niꞌton, chiminchináchin cancantërahuë. Cacopo yaꞌhuërëꞌ ina sanapi chachin, iso Canaan roꞌtëquë yaꞌhuërinso maantahuachin, chiminaꞌhuaso noya noya nisarin, tënahuë, itërin.

Génesis 28:8

Paꞌpin inaporin niꞌton, Isaosoꞌ: “Canaan sanapisoꞌ, co tatahuë costarinhuëꞌ,” tënin.

Génesis 28:9

Napoaton, Ismairo nicapon paꞌnin. Inasoꞌ, Apraan huiꞌnin. Inatohua paaton, Ismairo huiꞌnin Maarata itopisoꞌ maantarin. Inasoꞌ, Nipayo oshiaꞌhuain. Nani cato Canaan sanapi macaponahuëꞌ, inanta maantarin.

Génesis 36:13

Niohuiro huiꞌnipitantaꞌ, isopita: Naato, Siran, Sama, Misa, inapita. Inapitanta Pasima aminpita. Pasimasoꞌ shaꞌhuitëranquëmaso chachin, Isao saꞌin ninin antaꞌ.

Génesis 36:2

Isaosoꞌ Canaan sanapiꞌsa manin: Aꞌnasoꞌ, Ata itopi. Inasoꞌ, Iron huiꞌnin. Irontaꞌ, Iti huënton piyapi. Inaquëya Isao huiꞌnahuanpachina, Iripasi itërin. Aꞌna saꞌionta Aoripama itopi. Inasoꞌ, Ano huiꞌnin, Sipion shiin. Inaquëyanta huiꞌnahuanpachina, isopita: Quiosi, Caaran, Cori, inapita. Isaosoꞌ, Ismairo huiꞌnionta manin, Pasima itopisoꞌ. Inasoꞌ, Nipayo oshiaꞌhuain. Inaquënta huiꞌnahuanpachina, Niohuiro, itërin. Ina nápo huiꞌninpita Canaan parti yaꞌhuëapon nasitopi.

Éxodo 34:16

Niꞌcona huiꞌnina canpita huiꞌnama acoantohuachinaꞌ. Inapohuachinsoꞌ, inahuaso mamanshinëna moshasoiꞌ, huiꞌnamanta moshapataponaꞌ.

1 Corintios 7:2

Napoaponahuëꞌ, naꞌa piyapiꞌsaꞌ monshihuanapi niꞌton, naꞌcon naꞌcon quëmapiꞌsaꞌ saꞌainaꞌ. Ama monshihuanacaiso marëhuëꞌ saꞌainaꞌ. Quëmapiꞌsaꞌ saꞌinaráchin yonquiꞌinaꞌ. Inapochachin sanapiꞌsantaꞌ soꞌináchin yonquiꞌinaꞌ.

Hebreos 12:16

Niꞌcona nisha nisha cancantotamaꞌ. Ama monshihuancosohuëꞌ. Noyápiachin cancantocoꞌ. Ama maꞌsha yonquiatomaꞌ, Yosë naniantocosohuëꞌ. Isao iráca naporinsoꞌ yonquicoꞌ. Maꞌsharáchin yonquiaton, co onpopinchin Yosë yonquirinhuëꞌ. Tanaton, iin nontërin: “¿Yosë naꞌcon catahuainquënsoꞌ nohuantëran ti? Co casoꞌ ina yonquirahuëꞌ. Cosharoꞌ naꞌcon naꞌcon nohuantërahuë,” itërin.