Génesis 26:28 - Chayahuita (Shahui)

²⁸ —Tëhuënchachin quëmasoꞌ, Sinioro catahuamiatërinquën niꞌnai. Napoaton yonquirai quëmarëꞌcoi anoyataꞌhuaisoꞌ. Iso pochin anoyatahuaꞌ:

Génesis 26:28 ပူးပေါင်းရင်းမြစ်များ

Génesis 24:41

Quëmopinëhuë co huiꞌnin yaaꞌpantihuachinquënhuëꞌ, naporo huarëáchin Yoscoarëꞌ tënansoꞌ, co naꞌintarinquënhuëꞌ,” itërinco.

Génesis 31:44

Napoaton huëquë paꞌa Yoscoarëꞌ niitatë anoyataꞌa. Catonpo chachin anoyatërëhuaso ayonquiinposo marëꞌ inapoaꞌa, itërin.

Génesis 39:3

Cosisoꞌ, Yosëri catahuarin. Huaꞌanëni ina nicaton: “Nani maꞌsha Cosi nipachina, Yosëri catahuarin niꞌton, noya pipitërin,” tënin.

Génesis 39:5

Ina acorin quëran huarëꞌ, Siniorori Potihuaro catahuamiatërin. Cosi noya nicaton, napotërin. Pëinënquënta maꞌsha nipachina catahuarin. Iminënquënta sacatohuachinaꞌ, shaꞌtopisoꞌ noya noyatërin.

Isaías 45:14

Naquëranchin Siniorosoꞌ israiroꞌsa nontaton itapon: “Iquipitoquë imin camayoroꞌsa yaꞌhuërinsoꞌ, Itiopiaquë nicatonoꞌsa yaꞌhuërinsoꞌ, Sapaquë yaꞌhuëpisopitanta naporopi mashoráchin nicaponaraihuëꞌ, tëꞌhuataponënquëmaꞌ. Tëꞌhuatatënëmaꞌ, canpitarë anoyataponaꞌ. Inapoatoma canpita piquëran pacacaiso marëꞌ, catinaquëtaramaꞌ. Isonahuatona nosorochináchin nontaponënquëmaꞌ: ‘Canpitasáchin Yosë catahuarinquëmaꞌ. Co aꞌna ina pochin yaꞌhuërinhuëꞌ,’ itarinënquëmaꞌ,” itërin.

Isaías 60:14

Aparisitërinëmaso shinpita huëcapairahuatënëmaꞌ, nosorochináchin nontaponëmaꞌ. Yaꞌipi nocaninëmasopitantaꞌ, isonahuatona moshaponëmaꞌ. Quirosarintaꞌ, ‘Sinioro ninanonën,’ itaponaꞌ. Siniorosoꞌ noyasáchin ninin niꞌton, israiroꞌsari inaquë chinotopi.

Isaías 61:6

Inapitasoꞌ nohuitatënquëmaꞌ: ‘Sinioro marëꞌ sacatopisopita corto huaꞌanoꞌsaꞌ,’ itaponëmaꞌ. Nisha nisha nacionoꞌsa quëran noya noya cosharo quëpisoꞌ capomaꞌ. Inapita noya noya nitapapisopitaquë, canpitanta nitapapomaꞌ.

Isaías 61:9

Inahua quëran pipipisopitasoꞌ, nisha nisha nacionquë nahuinaponaꞌ. Yaꞌipi niꞌpisopitari: ‘Tëhuënchachin isopitasoꞌ Siniorori catahuarin,’ taponaꞌ,” tënin.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

1 Corintios 14:25

Cancanëna quëran yonquipisopita aꞌninquëchin shaꞌhuitapi niꞌton, ina yonquiatonaꞌ, oshanëna marëꞌ sëtapi. Isonahuatonaꞌ, Yosë chinotapi: “Tëhuënchachin Yosë catahuarinquëmaꞌ,” itarinënquëmaꞌ.

Hebreos 13:5

Ama coriquiráchin paꞌyatocosohuëꞌ. Co naꞌcon maꞌsha yaꞌhuëtopirinquëmahuëꞌ, sano cancantocoꞌ. Ama naꞌcon naꞌcon nohuantocosohuëꞌ. Yosë chachin nani shaꞌhuitërinpoaꞌ. “Co onporontaꞌ pataranquëmahuëꞌ. Co naniantaranquëmahuëꞌ,” itërinpoaꞌ.

Hebreos 6:16

Co piyapi yanatëhuachinpoarahuëꞌ, “Yosë niꞌsárinco, noꞌtëquën nontaranquën,” tënëhuaꞌ. Ina pochin nontohuatëhuaꞌ, natërinënpoaꞌ. “Noꞌtëquën nontërinpoaꞌ,” topi.

Josué 3:7

Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi.

1 Samuel 11:1

Naporo tahuëriꞌsa amonoꞌsa copirnonënasoꞌ, Naasë itopi. Inasoꞌ, sontaronënpitarë chachin Capisë ninano itopiquë paꞌnin. Inaso ninanoꞌ, Carata parti yaꞌhuërin. Inaquë paꞌsahuaton sontaronënpita ahuëtacaiso marëꞌ noyá acoraꞌpiarin. Ina ninano ahuëcaiso marëꞌ naporin. Napoaponahuëꞌ, yaꞌhuëhuanoꞌsari nanan aꞌpatopi: —Ama ahuëcoisohuëꞌ, anoyatahuaꞌ. Napohuatan quëma huaꞌanëntarancoi huachi, itopi.

1 Samuel 18:28

Napoaponahuëꞌ, Saonoso Siniorori Tapi catahuarinsoꞌ, niꞌnin. Huiꞌnininta soꞌin nosororinsoꞌ niꞌnin. Inapita nicaton, aquë aquëtë tëꞌhuatërin. Napoaton inimicotomiatërin.