Génesis 25:31 - Chayahuita (Shahui)

³¹ Napotohuachina, Cacopori itapon: —Paninanquën niꞌton, naꞌcon yaꞌhuëtarinquën canacamasoꞌ. Carinquën nipachin yaꞌhuërëchinquën. Naporo huarëꞌ iso cosharo quëtaranquën, itërin.

Génesis 25:31 ပူးပေါင်းရင်းမြစ်များ

Génesis 25:30

Cacopo aꞌitërinso niꞌsahuaton itapon: —Nosoroco iya, tana yatëparinco casoꞌ. Quëhuashin cosharo anpiransoꞌ, canta quëtoco caꞌi, itërin.

Génesis 25:32

Napotohuachina, Isaosoꞌ tapon: —Niꞌquë iyasha, tana caso yatëpararinco. Chiminpatosoꞌ, paninan ninahuëso marëꞌ canaꞌhuasoꞌ yaꞌhuëtërincosopita, topinan quëran nisarin, itërin.

Génesis 27:36

—¡Noꞌtën chachin inasoꞌ, Cacopo itopi paya! ¡Nani catoro monararinco! Paninan ninahuëso marëꞌ yaꞌhuëtiincoso nininsoꞌton, matërinco. Iporantaꞌ, tatahuë noya yaꞌhuëcaꞌhuaso marëꞌ shaꞌhuitiincosoꞌ mataantarinco. ¿Coꞌtama cantaꞌ, piꞌpiyan tëranta noya yaꞌhuëcaꞌhuaso marëꞌ shaꞌhuitaponcohuëꞌ to? itërin.

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Hebreos 12:16

Niꞌcona nisha nisha cancantotamaꞌ. Ama monshihuancosohuëꞌ. Noyápiachin cancantocoꞌ. Ama maꞌsha yonquiatomaꞌ, Yosë naniantocosohuëꞌ. Isao iráca naporinsoꞌ yonquicoꞌ. Maꞌsharáchin yonquiaton, co onpopinchin Yosë yonquirinhuëꞌ. Tanaton, iin nontërin: “¿Yosë naꞌcon catahuainquënsoꞌ nohuantëran ti? Co casoꞌ ina yonquirahuëꞌ. Cosharoꞌ naꞌcon naꞌcon nohuantërahuë,” itërin.