Génesis 25:21 - Chayahuita (Shahui)

²¹ Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

Génesis 25:21 ပူးပေါင်းရင်းမြစ်များ

Génesis 11:30

Saraiso co huaꞌhuanaꞌpihuë niꞌton, co huaꞌhuaninhuëꞌ.

Génesis 16:2

Aꞌna tahuëri Saraisoꞌ, soꞌin itapon: —Niꞌquëchi, Sinioro co nohuantërinhuë niꞌton, co huaꞌhuanahuëꞌ. Napoaponahuëꞌ, cosonanëhuë acoanchinquën topirahuë. Tapona inasoꞌ, huaꞌhuanaꞌpi nisápirinhuëꞌ. Huaꞌhuanpachin cari masarahuë huaꞌhuahuë pochachin nicacaso marëꞌ, itërin. Napotohuachina, Apranta nohuantërin.

Génesis 30:22

Naquiraso co huaꞌhuanaꞌpihuë niꞌton, naꞌcon Yosë nontërin. Napohuachina, napoiyan quëran nosoroaton aꞌpanirin. Ina nohuanton huaꞌhuanin huachi.

Salmos 127:3

Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

Salmos 145:19

Noya nicatona natëpisopitasoꞌ, Siniorori nohuantopisoꞌ acotërin. Catahuacaso marëꞌ nontohuachinara, natanaton nichaꞌësarin.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Isaías 45:11

Caso Sinioroco noyasáchin ninahuë niꞌton, Israiro chinotërinco. Carima canpitasoꞌ, piyapinëhuëpita nicamaso marëꞌ acoranquëmaꞌ. Huiꞌnahuëpita maꞌsona onpotaꞌhuasoꞌ yonquirahuësoꞌ, ¡co naniarin quëran huarëꞌ natanamacoso yaꞌhuërinhuëꞌ! Maꞌsona nicacaꞌhuaso marëntaꞌ, ¡co canpita camaiamacoso yaꞌhuërinhuëꞌ!

Isaías 58:9

Naporoꞌ tëhuënchinsoꞌ nontohuatamaco, aꞌpaniaranquëmaꞌ. Catahuahuanquëmaso marëꞌ chiníquën nontohuatamaco, carimantaꞌ, aꞌpanitënquëma catahuaaranquëmaꞌ. Coꞌso huachi aꞌnapita aparisitohuatanhuëꞌ, co huachi noꞌhuihuatanhuëꞌ, co huachi nonpinapihuatanhuëꞌ,

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:7

Saꞌinso nipirinhuëꞌ co huaꞌhuanaꞌpihuëꞌ. Co aꞌnaya tërantaꞌ huaꞌhuin yaꞌhuëtërinhuëꞌ. Nani paiya. Soꞌiontaꞌ nani mashoya.

1 Samuel 1:11

“Sinioro quëmaso yaꞌipi nanitaparan. Piyapinënco niporahuëꞌ parisitërahuëso nicaton, aꞌnara quëmapiaꞌhua huaꞌhuanaꞌhuasoꞌ, quëtoco. Inapotëranco naporini, carinta ina huaꞌhuahuë quëma marëꞌ acoꞌitohuëꞌ. Ina anitotaꞌhuanquënso marëꞌ co onporonta yaꞌiapihuëꞌ,” itërin.

1 Samuel 1:17

—Noyapaꞌ. Sano cancantaton paquë huachi. Israiroꞌsanpoa chinotërëhuaso Yosë chachin, maꞌsona natananso acochinquën, itërin corto huaꞌani.

1 Samuel 1:2

Iricanasoꞌ cato saꞌahuan. Aꞌna saꞌinsoꞌ Ana itopi. Aꞌnantaꞌ, Pinina itopi. Pininasoꞌ huaꞌhuanaꞌpi. Yaꞌhuërëꞌ Anasoꞌ, co nito huaꞌhuaninhuëꞌ.

1 Samuel 1:27

Iso huaꞌhuasha marëꞌ naporahuë. Niꞌquëchi. Nani quëtërinco.