Génesis 25:20 - Chayahuita (Shahui)

²⁰ Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 25:20 ပူးပေါင်းရင်းမြစ်များ

Génesis 22:23

Ina Pitoiro mini, Nipica paꞌpin. Nacorosoꞌ, Apraan iyaꞌhuain. Yaꞌipiya quëran Miricasoꞌ, posa huaꞌhuinpita yaꞌhuëtërin. Ina nápo Nacorosoꞌ, saꞌinquë chachin huiꞌnahuanin.

Génesis 24:15

Orarinsoꞌ co tiquiyátërasohuëꞌ, aꞌnara nanon yonsha pitënahuaton, huëꞌsarin niꞌnin. Inaso nanon, Pitoiro huiꞌnin. Nipica itopi. (Pitoirosoꞌ, shaꞌhuirahuëso chachin Nacoro huiꞌnin. Miricaquë huiꞌnahuaninsoꞌ. Nacoronta Apraan iyaꞌhuain.)

Génesis 24:29

Nipicasoꞌ aꞌna yoꞌin mashonën yaꞌhuëtërin. Inasoꞌ, Napano itopi. Poꞌmoitëra pochin nininsoꞌ oshin quëtopisoꞌ nicaparin. Aꞌsontanparinsopitantaꞌ, nicaparin. Shaꞌhuirinsonta natanahuaton, Apraan piyapinën yonicaso marëꞌ posoquë taꞌamarin. Ina pirayan, camiyonënpitarë chachin huaniárin quënamarin.

Génesis 24:67

Ina quëran Isacosoꞌ, aꞌshinco nëꞌmëtë pëinënquë Nipica quëparin. Co huaꞌquiya quëranhuëꞌ macaton, noya cancantërin. Paꞌpi nosoromiatërin. Aꞌshin marëꞌ sëtápirinhuëꞌ, inapoaton noya cancantërin huachi.

Génesis 25:26

Ina paꞌtaso chachin, iiontaꞌ, aꞌna imirin quëran Isao matocanahuaton, huaꞌhuataantarin. Naporinso marëꞌ inasoꞌ, Cacopo itopi. Isaco saota shonca piꞌipitasoꞌ, huiꞌninpita nasitapi.

Génesis 27:43

Napoaton noya natanco shaꞌhuichinquën. Aꞌnaroáchin Aran ninanoquë taꞌaquëꞌ. Api masho Napano pëinënquë paquëꞌ.

Génesis 28:2

Patan-aran parti tëhuënchinsoꞌ paquëꞌ. Tata masho Pitoiro yaꞌhuërinquë paꞌsahuaton, api Napano huiꞌninpita aꞌnara maquëꞌ.

Génesis 28:7

Paꞌpini, aꞌshini, shaꞌhuitërinso chachin Cacopontaꞌ, Patan-aranquë paꞌninsoꞌ niꞌnin.

Génesis 31:20

Inapoaton Cacopori, Napano nonpintahuaton, co shaꞌhuitaponahuëꞌ huëshirin.

Génesis 33:18

Inaquë huaꞌquimiachin yaꞌhuërin. Ina quëran Cacoposoꞌ, yaꞌipi huëntonënë chachin Siquimo ninano notënanquë paꞌnin. Inaquë nëꞌmëtë pëiroꞌsa otëantarin. Inapoaton Patan-aran quëran huëꞌninsoꞌ, Canaan noꞌpaquë noya canquirin.

Génesis 35:26

Nia piyapinën Siripa itopiquëntaꞌ, isopita: Caro, Asiri, inapita. Ina nápo Cacopo huiꞌninpita yaꞌipiya quëran yaꞌhuëpi. Yaꞌipi pochin Patan-aranquë nasitopi.

Génesis 35:9

Cacopo Patan-aran quëran huënantahuachina, Yosëri naquëranchin inaquë yaꞌnotaantarin. Yaꞌnotaton noya yaꞌhuëcaso marëꞌ shaꞌhuitërin.

Génesis 46:15

Ina nápo Cacopo huiꞌninpita quëmapiꞌsa Niaquëya yaꞌhuëpi. Sanapinta aꞌnara yaꞌhuëtërin: Tina itërinsoꞌ. Inapitasoꞌ, Patan-aranquë yaꞌhuapon huiꞌnahuaninsopita. Nia quëran pipipisopitasoꞌ, cara shonca cara yaꞌpiꞌ, sanapirë chachin icanpi.

Lucas 4:27

Irisio pënëntonaꞌpintaꞌ nanpisoꞌ, naꞌa chana caniori maninsopita Israiro noꞌpaquë yaꞌhuëpirinahuëꞌ, co aꞌnaya tërantaꞌ anoyatërinhuëꞌ. Namanosoꞌ Siria piyapi niponahuëꞌ, Yosë nohuanton, anoyatërin. Aꞌnaroáchin canio inquirin, tënin Quisoso.

Deuteronomio 26:5

Nani Sinioro notënanquë acohuachina, iso pochin Sinioro nontaran: ‘Shimashonëhuëpitasoꞌ, Aran piyapiꞌsaꞌ. Caraíchin niꞌsoiꞌ, paatona patë patë́rantapi. Oshaquëran Iquipito roꞌtëquë yaꞌhuëcaiso marëꞌ paꞌmapi. Inaquë naꞌatona panca nacion tarancoantapi.